ലോക കേരളസഭയുടെ അമേരിക്കന്‍ റീജിയണല്‍ സമ്മേളനം കഴിഞ്ഞു, 18 ന് ദുബായില്‍ സ്റ്റാര്‍ട്ടപ്പ് ഇന്‍ഫിനിറ്റി സെന്റര്‍ മുഖ്യമന്ത്രി ഉദ്ഘാടനം ചെയ്യും
മുഖ്യമന്ത്രിയും സംഘവും ജൂണ്‍ 17 നു യു എ ഇ യില്‍ എത്തും. ജൂണ്‍ 18ന് കേരള സര്‍ക്കാരിന്റെ ഇലക്ട്രോണിക്‌സ് ആന്‍ഡ് ഇന്‍ഫര്‍മേഷന്‍ ടെക്‌നോളജി വകുപ്പിനു കീഴില്‍ ദുബായില്‍ സ്റ്റാര്‍ട്ടപ്പ് ഇന്‍ഫിനിറ്റി സെന്റര്‍ മുഖ്യമന്ത്രി ഉദ്ഘാടനം ചെയ്യും. വൈകീട്ട് 5 മണിക്ക് ബിസിനസ് ബേയിലുള്ള താജ് ഹോട്ടലിലാണ് ചടങ്ങ്.
എന്‍ആര്‍ഐ കമ്മ്യൂണിറ്റിയില്‍ നിന്നുള്ള സംരംഭകര്‍ക്ക് ഒത്തുചേരാനും നെറ്റ്വര്‍ക്ക് ചെയ്യാനും ആശയങ്ങള്‍ രൂപപ്പെടുത്താനും കേരളത്തില്‍ പുതിയ സംരംഭങ്ങള്‍ സ്ഥാപിക്കാനും ഉതകുന്ന വിധത്തില്‍ കേരള സര്‍ക്കാരിന്റെയും കേരള സ്റ്റാര്‍ട്ടപ്പ് മിഷന്റെയും ഒരു പ്രധാന പദ്ധതിയാണ് സ്റ്റാര്‍ട്ടപ്പ് ഇന്‍ഫിനിറ്റി സെന്റര്‍. കേരളത്തില്‍ നിന്നുള്ള സ്റ്റാര്‍ട്ടപ്പുകള്‍ക്കുള്ള ലോഞ്ച്പാഡും സഹപ്രവര്‍ത്തക ഇടമായും ഇത് പ്രവര്‍ത്തിക്കും. കേരള സ്റ്റാര്‍ട്ടപ്പ് ഇക്കോസിസ്റ്റത്തെ പിന്തുണയ്ക്കുന്നതിനും സംസ്ഥാനത്തിന്റെ ഐടി പദ്ധതികളിലേക്കുള്ള ഫണ്ടിംഗിന്റെയും നിക്ഷേപത്തിന്റെയും അളവ് വര്‍ദ്ധിപ്പിക്കുന്നതിനും എന്‍ആര്‍ഐ ഫണ്ടിംഗ് നെറ്റ് വര്‍ക്കുകള്‍ സൃഷ്ടിക്കാനും ഇതു വഴി പദ്ധതിയിടുന്നുണ്ട്.
Photo Courtesy : Google/ images are subject to copyright
