വ്യാജ സര്ട്ടിഫിക്കറ്റ് കേസിലെ പ്രതി നിഖില് തോമസ് പോലീസ് പിടിയില്
വ്യാജ ബിരുദ സര്ട്ടിഫിക്കറ്റ് കേസ് പ്രതിയായ നിഖില് തോമസിനെ ഒളിവിലായി അഞ്ച് ദിവസം കഴിഞ്ഞാണ് പോലീസ് അറസ്റ്റ് ചെയ്യുന്നത്. കീഴടങ്ങാന് നിഖിലിന് മേല് സമ്മര്ദ്ദമുണ്ടായിരുന്നു. നിഖിലിന്റെ അച്ഛനെയും സഹോദരങ്ങളെയും സ്റ്റഷനില് വിളിച്ചു വരുത്തി മണിക്കൂറുകള് ചോദ്യം ചെയ്തു.
തുടന്ന് ഇന്നലെ രാത്രി വൈകി കോട്ടയം കെഎസ്ആര്ടിസി ബസ് സ്റ്റാന്ഡില്നിന്നാണ് നിഖിലിനെ പ്രത്യേക അന്വേഷണ സംഘം കസ്റ്റഡിയിലെടുത്തത്. നിഖിലിനെ കായംകുളം പോലീസ് സ്റ്റേഷനിലെത്തിച്ചു.
വ്യാജ സര്ട്ടിഫിക്കറ്റ് സംഭവം വിവാദമായതിന് പിന്നാലെ, നിഖില് തോമസിനെ സിപിഎം പുറത്താക്കിയിരുന്നു. ബിരുദ സര്ട്ടിഫിക്കറ്റ് വ്യാജമാണെന്ന് കലിംഗ സര്വകലാശാല തന്നെ വ്യക്തമാക്കിയതിന് പിന്നാലെ എസ്എഫ്ഐയും നിഖിലിനെ പുറത്താക്കിയിരുന്നു. നിഖില് വ്യാജ ബിരുദ സര്ട്ടിഫിക്കറ്റ് ഉണ്ടാക്കിയത് പാര്ട്ടിക്ക് അവമതിപ്പുണ്ടാക്കിയെന്ന വിലയിരുത്തലിന്റെ അടിസ്ഥാനത്തിലാണ് സിപിഎമ്മും പ്രവര്ത്തകനെതിരെ നടപടിയെടുത്തത്.
വ്യാജഡിഗ്രി സര്ട്ടിഫിക്കറ്റ് നിര്മ്മിക്കാന് നിഖില് തോമസിനെ സഹായിച്ചത് വിദേശത്തുള്ള മുന് എസ്എഫ്ഐ നേതാവെന്ന് സൂചനയുണ്ട്. നിര്മ്മാണം നടന്നത് കൊച്ചി കേന്ദ്രീകരിച്ചാണെന്നും നിഖിലിന്റെ സുഹൃത്ത് പൊലീസിന് മൊഴി നല്കി.
വ്യാജ ബിരുദ സര്ട്ടിഫിക്കറ്റ് കേസില് പ്രതിയായ കായംകുളത്തെ എസ്എഫ്ഐ മുന് ഏരിയാ സെക്രട്ടറി നിഖില് തോമസിനെ സിപിഎം പുറത്താക്കിയിരുന്നു. ബിരുദ സര്ട്ടിഫിക്കറ്റ് വ്യാജമാണെന്ന് കലിംഗ സര്വകലാശാല തന്നെ വ്യക്തമാക്കിയതിന് പിന്നാലെ എസ്എഫ്ഐയും നിഖിലിനെ പുറത്താക്കി. നിഖില് വ്യാജ ബിരുദ സര്ട്ടിഫിക്കറ്റ് ഉണ്ടാക്കിയത് പാര്ട്ടിക്ക് അവമതിപ്പുണ്ടാക്കിയെന്ന വിലയിരുത്തലിന്റെ അടിസ്ഥാനത്തിലാണ് സിപിഎമ്മും പ്രവര്ത്തകനെതിരെ നടപടിയെടുത്തത്. കായംകുളം മാര്ക്കറ്റ് ബ്രാഞ്ച് കമ്മിറ്റിയംഗമായിരുന്നു നിഖില്. നിഖില് തോമസിനെ അടിയന്തിരമായി പുറത്താക്കണമെന്ന് ആലപ്പുഴ ജില്ലാ കമ്മിറ്റി സിപിഎം സംസ്ഥാന കമ്മിറ്റിയോട് ശുപാര്ശ ചെയ്തിരുന്നു.
Photo Courtesy : Google/ images are subject to copyright