സിക്കിമില് മിന്നല്പ്രളയം
ലോനക് താടകപ്രദേശത്തുണ്ടായ മേഘ വിസ്ഫോടനത്തെ തുടര്ന്ന് ടീസ്റ്റ നദിയില് വെള്ളപ്പൊക്കം ഉണ്ടായി. ലാച്ചൻ താഴ്വര വെള്ളത്തിനടിയിലായി. താഴ്വരയിലെ സൈനിക ക്യാമ്പുകളെയും വെള്ളപ്പൊക്കം ബാധിച്ചു. 23 സൈനികരെയും കാണാതായതായി റിപ്പോർട്ടുണ്ട്. പ്രദേശത്ത് സൈനികര്ക്കായുള്ള തെരച്ചില് പുരോഗമിക്കുന്നു.
നദി കരകവിഞ്ഞൊഴുകിയതിനെ തുടര്ന്ന് ടീസ്റ്റ നദിക്ക് കുറുകെയുള്ള സിങ്തം നടപ്പാലം തകര്ന്നു. പശ്ചിമ ബംഗാളിലെ ജല്പായ്ഗുരി ഭരണകൂടം മുൻകരുതല് നടപടിയായി നദിയുടെ താഴ്ന്ന വൃഷ്ടിപ്രദേശത്ത് നിന്ന് ആളുകളെ ഒഴിപ്പിക്കാൻ തുടങ്ങി.
സിക്കിം സര്ക്കാര് സംസ്ഥാനത്ത് അതീവ ജാഗ്രതാ നിര്ദ്ദേശം പുറപ്പെടുവിക്കുകയും ടീസ്റ്റ നദീതീരത്ത് താമസിക്കുന്നവര് പ്രദേശത്തുനിന്ന് വിട്ടുനില്ക്കാൻ ആവശ്യപ്പെടുകയും ചെയ്തിട്ടുണ്ട്.