ക്ഷേമ പെൻഷൻ ലഭിക്കാത്തതിനെ തുടർന്ന് ഭിന്നശേഷിക്കാരൻ ആത്മഹത്യചെയ്ത സംഭവത്തിൽ സ്വമേധയാ കേസെടുത്ത് ഹൈക്കോടതി
ക്ഷേമ പെൻഷൻ ലഭിക്കാത്തതിനെ തുടർന്ന് കോഴിക്കോട് ഭിന്നശേഷിക്കാരൻ ആത്മഹത്യചെയ്ത സംഭവത്തിൽ സ്വമേധയാ കേസെടുത്ത് ഹൈക്കോടതി. കേന്ദ്ര സർക്കാർ, സാമൂഹ്യ നീതി വകുപ്പ്, കോഴിക്കോട് കളക്ടർ, ചക്കിട്ടപ്പാറ പഞ്ചായത്ത് സെക്രട്ടറി എന്നിവരാണ് എതിർ കക്ഷികൾ. മുതുകാട് സ്വദേശി എഴുപത്തിയേഴ് വയസ്സുള്ള വളയത്ത് ജോസഫ് എന്ന പാപ്പച്ചനാണ് മരിച്ചത്. കിടപ്പുരോഗിയായ 47-കാരിയായ മകള്ക്കും ജോസഫിനും പെന്ഷന് തുകമാത്രമായിരുന്നു ആകെയുള്ള ആശ്രയം. 15 ദിവസത്തിനകം പെന്ഷന് കിട്ടിയില്ലെങ്കില് ജീവനൊടുക്കുമെന്നുകാണിച്ച് ഇദ്ദേഹം പഞ്ചായത്ത് സെക്രട്ടറിക്ക് കഴിഞ്ഞദിവസം കത്ത് നല്കിയിരുന്നുവെന്നാണ് ലഭ്യമാകുന്ന വിവരം. വടി കുത്തിപ്പിടിച്ച് സര്ക്കാര് ഓഫീസ് കയറിയിറങ്ങി മടുത്തെന്നും ജീവിക്കാന് കടം വാങ്ങിക്കൊണ്ടിരിക്കുകയാണെന്നും കത്തില് പറഞ്ഞിരുന്നു. സംഭവത്തില് വലിയപ്രതിഷേധമാണ് ഉയരുന്നത്.
Photo Courtesy: Google/ images are subject to copyright