രാജ്യത്തെ നാല്പ്പത്തിയെട്ടാമത് ചീഫ് ജസ്റ്റിസായി എന് വി രമണ ഇന്ന് ചുമതലയേല്ക്കും.
രാജ്യത്തെ നാല്പ്പത്തിയെട്ടാമത് ചീഫ് ജസ്റ്റിസായി എന് വി രമണ ഇന്ന് ചുമതലയേല്ക്കും. കൊവിഡ് പ്രോട്ടോകോള് പാലിച്ച് രാഷ്ട്രപതി ഭവനില് 11 മണിക്കാണ് ചടങ്ങുകള്. അഭിഭാഷകര് നല്കുന്ന അത്താഴ വിരുന്നും ഇന്ന് നടന്നേക്കില്ല. കോവിഡ് വ്യാപന പശ്ചാത്തലത്തില് കര്ശന നിയന്ത്രണങ്ങളോടെയാണ് ചടങ്ങുകള്.
നിയമിതനായ ശേഷം ചീഫ് ജസ്റ്റിസ് ആദ്യം പരിഗണിക്കുന്ന കേസ് കേള്ക്കാന് കുടുംബത്തിനും സുഹൃത്തുക്കള്ക്കും അഭ്യുദയകാംഷികള്ക്കും അവസരമുണ്ടാകാറുണ്ട്. എന്നാല് പ്രത്യേക സാഹചര്യത്തില് ഇതിലും നിയന്ത്രണങ്ങള് ഏര്പ്പെടുത്തിയിട്ടുണ്ട്.
2022 ഓഗസ്റ്റ് 26 വരെ പതിനാറ് മാസമാണ് ചീഫ് ജസ്റ്റിസായി എന് വി രമണക്ക് കാലാവധി ഉണ്ടാകുക. നിലവില് സുപ്രീം കോടതി കോവിഡ് പ്രതിസന്ധിയില് സ്വമേധയാ കേസ് എടുത്തിട്ടുണ്ട്. ചൊവ്വാഴ്ച്ച ഈ കേസ് ജസ്റ്റിസ് എന് വി രമണ അധ്യക്ഷനായ ബെഞ്ച് പരിഗണിക്കാനാണ് സാധ്യത.
റഫാല്, ജമ്മു കശ്മീര് , സിഎഎ – എന്ആര്സി അടക്കമുള്ള നിരവധി സുപ്രധാന കേസുകളും ചീഫ് ജസ്റ്റിസായി ചുമതലയേല്ക്കുന്ന എന് വി രമണ പരിഗണിക്കും.
Photo Courtesy : Google/ images are subject to copyright