ജിഷയുടെ കൊലപാതകം: കുറ്റക്കാര്ക്കെതിരെ കര്ശന നടപടിയെടുക്കുമെന്ന് മുഖ്യമന്ത്രി
പെരുമ്പാവൂര്: കുറുപ്പംപടിയില് നിയമവിദ്യാര്ഥിനി ജിഷയുടെ കൊലപാതകത്തില് അന്വേഷണം ഊര്ജിതമാക്കുമെന്ന് മുഖ്യമന്ത്രി ഉമ്മന് ചാണ്ടി. കേരള ജനതയുടെ മനസാക്ഷിയെ നടുക്കിയ ക്രൂരമായ കൊലപാതകമാണ് നടന്നതെന്നും സംഭവത്തില് കുറ്റക്കാരായവര്ക്കെതിരെ കര്ശന നടപടിയെടുക്കുമെന്നും അദ്ദേഹം അറിയിച്ചു. സംഭവം അത്യന്തം ദൗര്ഭാഗ്യകരമാണെന്നും കേസ് മധ്യ മേഖല ഐജി അന്വേഷിക്കുമെന്നും ഉമ്മന് ചാണ്ടി വ്യക്തമാക്കി. അതേസമയം ജിഷയെ ക്രൂരമായി കൊലപ്പെടുത്തിയ കേസില് രണ്ടുപേരെ പോലീസ് കസ്റ്റഡിയില് എടുത്തു. ജിഷയുടെ അയല്വാസിയും മറ്റൊരു യുവാവുമാണ് കസ്റ്റഡിയിലായത്. ഇവരെ ഐ.ജി ഓഫീസില് ചോദ്യം ചെയ്തുവരികയാണ്. കഴിഞ്ഞ വ്യാഴാഴ്ചയാണ് കുറുപ്പംപടി വട്ടോളിപ്പടി കുറ്റിക്കാട്ടില് രാജേഷിന്റെ മകള് ജിഷ (30) ക്രൂരമായ പീഡനത്തിന് ഇരയായശേഷം കൊല്ലപ്പെട്ടത്.
Photo courtesy : Google /images may be subject to copyright