എല്ലാ സംസ്ഥാനങ്ങള്ക്കും ജാഗ്രതാ നിര്ദ്ദേശം നല്കി കേന്ദ്ര ആഭ്യന്തര മന്ത്രാലയം.
എല്ലാ സംസ്ഥാനങ്ങള്ക്കും ജാഗ്രതാ നിര്ദ്ദേശം നല്കി കേന്ദ്ര ആഭ്യന്തര മന്ത്രാലയം. അയോധ്യ വിഷയത്തില് സുപ്രീംകോടതി വിധി വരാനിരിക്കുന്ന പശ്ചാത്തലത്തിൽ അക്രമ സംഭവങ്ങള് ഒഴിവാക്കാനാണ് ജാഗ്രത. അയോധ്യ വിധിയില് അനാവശ്യപ്രസ്താവനകള് പാടില്ലെന്ന് കേന്ദ്രമന്ത്രിമാര്ക്ക് പ്രധാന മന്ത്രി നിർദ്ദേശം നൽകിയിട്ടുണ്ട്. മതസൗഹാര്ദ്ദം കാത്തുസൂക്ഷിക്കാന് എല്ലാവര്ക്കും ഉത്തരവാദിത്വമുണ്ടെന്നും അദ്ദേഹം പറഞ്ഞു.
വിധി അനുകൂലമായാല് ആഘോഷം പാടില്ലെന്നും മധുരം വിതരണം ചെയ്യരുതെന്നും വിശ്വഹിന്ദു പരിഷത്ത് നിര്ദ്ദേശിച്ചു. വിധി എന്തായാലും ബഹുമാനിക്കുമെന്ന് മുസ്ലിം വ്യക്തി നിയമ ബോര്ഡ് പ്രസ്താവനയില് പറഞ്ഞു.
അത് കൂടാതെ അയോധ്യയില് നിരീക്ഷണം ശക്തമാക്കിയിട്ടുണ്ട്. ഉത്തര്പ്രദേശിലെ എല്ലാ ജില്ലകളിലെയും സമാധാന സമിതികള് ശക്തിപ്പെടുത്താനും യോഗി ആദിത്യനാഥ് സര്ക്കാര് തീരുമാനിച്ചു.
Photo Courtesy : Google/ images are subject to copyright