ഒറ്റത്തവണ മാത്രം ഉപയോഗിക്കാവുന്ന പ്ലാസ്റ്റിക്കിനു നാളെമുതൽ വിട.
നാളെ മുതൽ പ്ലാസ്റ്റിക് ഉപയോഗിക്കുന്നവർ ശ്രദ്ധിക്കുക. ഒറ്റത്തവണ മാത്രം ഉപയോഗിക്കാവുന്ന പ്ലാസ്റ്റിക്കിനു നാളെമുതൽ വിട. പതിനൊന്ന് ഇനം പ്ലാസ്റ്റിക് സാധനങ്ങളുടെ നിരോധനമാണ് നാളെ മുതൽ പ്രാബല്യത്തിൽ വരുന്നത്.
പ്ലാസ്റ്റിക് സഞ്ചി, പ്ലാസ്റ്റിക് ഷീറ്റ്, പ്ലാസ്റ്റിക് പ്ലേറ്റ്, കപ്പ്, സ്പൂണ്, സ്ട്രോ, പ്ലാസ്റ്റിക് ആവരണമുളള പേപ്പര് കപ്പ്, പ്ലാസ്റ്റിക് ആവരണമുളള പ്ലേറ്റ്, പ്ലാസ്റ്റിക് ആവരണമുളള ബാഗ്, പ്ലാസ്റ്റിക് പതാക, പ്ലാസ്റ്റിക് അലങ്കാരങ്ങള്, പ്ലാസ്റ്റിക് കുടിവെളള പൗച്ച്, ബ്രാന്ഡ് ചെയ്യാത്ത പ്ലാസ്റ്റിക് ജ്യൂസ് പാക്കറ്റ്, 500 മില്ലി ലിറ്ററില് താഴെയുളള കുടിവെളള കുപ്പികള്, മാലിന്യം ശേഖരിക്കുന്ന പ്ലാസ്റ്റിക് സഞ്ചികള്, ഫെല്ക്സ്, ബാനര് തുടങ്ങിയവയ്ക്കാണ് നാളെ മുതല് നിരോധനം.
ഇവ നിര്മ്മിച്ചാലും വിറ്റാലും കുറ്റം. ആദ്യതവണ പതിനായിരം രൂപയും ആവര്ത്തിച്ചാല് ഇരുപത്തിയയ്യായിരം രൂപയും തുടര്ന്നാല് അന്പതിനായിരം രൂപയും പിഴയൊടുക്കേണ്ടി വരും.
പ്ലാസ്റ്റിക് കുപ്പിയിലും കവറുകളിലും ഉല്പ്പനങ്ങള് വില്ക്കുന്ന ബിവറേജസ് കോര്പ്പറേഷന്, കേരഫെഡ്, മില്മ, ജല അതോറിറ്റി, മറ്റു പൊതുമേഖല സ്ഥാപനങ്ങള് എന്നിവരും പ്ലാസ്റ്റിക് തിരികെ ശേഖരിക്കണമെന്ന് സര്ക്കാര് നിര്ദേശിച്ചിട്ടുണ്ട്.
അതേസമയം ആഹാരവും പച്ചക്കറിയും പൊതിയുന്ന ക്ലിങ് ഫിലിം, മുന്കൂട്ടി അളന്നുവച്ച ധാന്യങ്ങള്, പയര്വര്ഗങ്ങള്, പഞ്ചസാര തുടങ്ങിയവ സൂക്ഷിക്കാന് ഉപയോഗിക്കുന്ന പ്ലാസ്റ്റിക് സഞ്ചികള്, മത്സ്യം, ഇറച്ചി, ധാന്യങ്ങള് എന്നിവ പൊതിയുന്ന പ്ലാസ്റ്റിക് കവറുകള്, ബ്രാന്ഡ് ചെയ്ത ഉല്പ്പനങ്ങളുടെയും ജ്യൂസിൻ്റെയും പാക്കറ്റ്, എന്നിവയുടെ നിരോധനം ഒഴുവാക്കിയിട്ടുണ്ട്.
Photo Courtesy : Google/ images are subject to copyright