തദ്ദേശസ്ഥാപനങ്ങളിലെ അധ്യക്ഷസ്ഥാനം സംബന്ധിച്ച് തിരഞ്ഞെടുപ്പ് കമ്മീഷന് നിശ്ചിയിച്ച സംവരണക്രമം മാറ്റേണ്ടതില്ലെന്ന് ഹൈക്കോടതി.
തദ്ദേശസ്ഥാപനങ്ങളിലെ അധ്യക്ഷസ്ഥാനം സംബന്ധിച്ച് തിരഞ്ഞെടുപ്പ് കമ്മീഷന് നിശ്ചിയിച്ച സംവരണക്രമം മാറ്റേണ്ടതില്ലെന്ന് ഹൈക്കോടതി. സംവരണം പുനഃക്രമീകരിക്കണമെന്ന സിംഗിള് ബെഞ്ച് ഉത്തരവ് ഹൈക്കോടതി ഡിവിഷന് ബെഞ്ച് റദ്ദ് ചെയ്തു. തിരഞ്ഞെടുപ്പ് കമ്മീഷനും സംസ്ഥാന സര്ക്കാരും നല്കിയ അപ്പീല് പരിഗണിച്ചുകൊണ്ടാണ് ചീഫ് ജസ്റ്റിസിൻ്റെ അധ്യക്ഷതയിലുള്ള ബെഞ്ചിൻ്റെ ഉത്തരവ്.
തുടര്ച്ചയായി സംവരണം ചെയ്യപ്പെട്ട അധ്യക്ഷ പദവി പൊതുവിഭാഗത്തിലേക്ക് മാറ്റണമെന്നായിരുന്നു സിംഗിള് ബെഞ്ചിൻ്റെ ഉത്തരവ്. നറുക്കെടുപ്പിലൂടെയാണ് തിരഞ്ഞെടുപ്പ് കമ്മീഷന് സംവരണം നിശ്ചയിക്കുന്നത്. തിരഞ്ഞെടുപ്പ് തുടങ്ങിയ ശേഷമുള്ള ഇടപെടല് ശരിയായില്ലെന്നാണ് ഡിവിഷന് ബെഞ്ചിൻ്റെ കണ്ടെത്തല്. അതേ സമയം ഹർജിയില് പറഞ്ഞിരിക്കുന്ന തുടര്ച്ചയായി സംവരണമെന്ന ആരോപണം വീണ്ടും പരിശോധിക്കാവുന്നതാണെന്നും കോടതി അറിയിച്ചിട്ടുണ്ട്.
സിംഗിള് ബെഞ്ച് ഉത്തരവ് മൂലം കേരളത്തിലെ 941 ഗ്രാമപഞ്ചായത്തുകളിലെയും അദ്ധ്യക്ഷപദം പുനപരിശോധിക്കേണ്ടിവരുമെന്നും തിരഞ്ഞെടുപ്പ് കമ്മീഷന് അറിയിച്ചു. ജില്ലാപഞ്ചായത്തുകളില് പാലക്കാടും മലപ്പുറത്തും മാറ്റം വേണ്ടിവരും. മാത്രമല്ല ബ്ളോക്ക് പഞ്ചായത്തുകളിലും മുനിസിപ്പാലിറ്റികളിലും മാറ്റം കൊണ്ടുവരേണ്ടിവരും. ഇത് തിരഞ്ഞെടുപ്പിനെ ബാധിക്കുമെന്നും കമ്മീഷന് അറിയിച്ചിരുന്നു.
Photo Courtesy : Google/ images are subject to copyright