ബുറേവി ഇന്ത്യന് തീരത്തിന് 120 കിലോമീറ്റര് അടുത്തെത്തി; വൈകുന്നേരത്തോടെ തമിഴ്നാട് തീരം കടക്കുമെന്നാണ് മുന്നറിയിപ്പ്
ബുറേവി കന്യാകുമാരി തീരത്തിന് 120 കിലോമീറ്റര് അടുത്തെത്തി. വൈകുന്നേരത്തോടെ തമിഴ്നാട് തീരം കടക്കുമെന്നാണ് കാലാവസ്ഥ വിഭാഗത്തിന്റെ മുന്നറിയിപ്പ്. കന്യാകുമാരി ഉള്പ്പടെ നാല് ജില്ലകളില് റെഡ് അലര്ട്ട് പ്രഖ്യാപിച്ചിട്ടുണ്ട്. ദേശീയ ദുരന്ത നിവാരണ സേനയെ ഉള്പ്പടെ തീരമേഖലയില് വിന്യസിച്ചു.
കേരളത്തിലും അതീവ ജാഗ്രതാ നിര്ദേശമാണ് നല്കിയിരിക്കുന്നത്. തെക്കന് കേരളത്തില് ഇന്ന് രാത്രി മുതല് ശക്തമായ മഴയ്ക്ക് സാധ്യതയുണ്ട്. ചുഴലിക്കാറ്റ് മുന്നറിയിപ്പും നല്കിയിട്ടുണ്ട്. കേരളത്തില് കാറ്റിന്റെ പരമാവധി വേഗം 90 കിലോമീറ്ററാകാനാണ് സാധ്യത. തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളില് റെഡ് അലര്ട്ടും പ്രഖ്യാപിച്ചു.
അതേസമയം, ബുറേവി വീശിയടിച്ച ബുറേവി ശ്രീലങ്കയില് വന് നാശനഷ്ടം വിതച്ചതായാണ് റിപ്പോര്ട്ട്. ജാഫ്നയിലെ വാല്വെട്ടിത്തുറൈയില് നിരവധി വീടുകള് തകര്ന്നു. മുല്ലൈത്തീവ്, കിളളിഗോച്ചി മേഖലകളില് കനത്ത പേമാരിയും കാറ്റും തുടരുകയാണ്.
Photo Courtesy : Google/ images are subject to copyright