കൊച്ചിയിലെ മാളില് യുവ നടിയെ അപമാനിച്ച കേസില് പ്രതികൾ അറസ്റ്റിൽ.
കൊച്ചിയിലെ മാളില് യുവ നടിയെ അപമാനിച്ച കേസില് അറസ്റ്റിലായ പ്രതികളായ മലപ്പുറം സ്വദേശികളായ ആദില്, റംഷാദ് എന്നിവരെ കളമശ്ശേരി ജുഡീഷ്യല് ഫസ്റ്റ് ക്ലാസ് മജിസ്ട്രേറ്റ് കോടതിയാണ് 14 ദിവസത്തേക്ക് റിമാന്ഡ് ചെയ്തു. ഇന്നലെ രാത്രി 8.30യോടെ കളമശ്ശേരി കുസാറ്റ് പരിസരത്ത് വെച്ച് കസ്റ്റഡിയിലെടുത്ത പ്രതികളുടെ അറസ്റ്റ് പുലര്ച്ചെ 12.30യോടെയാണ് രേഖപ്പെടുത്തിയത്. രാത്രി വൈകിയും സ്റ്റേഷനില് സൂക്ഷിച്ച പ്രതികളെ 11 മണിയോടെ മെഡിക്കല് പരിശോധക്കയച്ചു . അതേ സമയം അന്വേഷണം ശരിയായ ദിശയിലാണന്നും നടിയുടെ മൊഴി രേഖപ്പെടുത്തിയതായും തൃക്കാക്കര എ.സി.പി ജിജിമോന് പറഞ്ഞു. സംഭവത്തില് നടിയും കുടുംബവും പ്രതികള്ക്ക് മാപ്പ് നല്കിയെങ്കിലും കേസ് നടപടി അവസാനിപ്പിക്കാനാകില്ലെന്ന് പൊലീസ് വ്യക്തമാക്കി.
Photo Courtesy : Google/ images are subject to copyright