കോവിഡ് മൂന്നാം തരംഗത്തെ നേരിടാന് ആക്ഷന് പ്ലാന് തയാറാക്കി ആരോഗ്യവകുപ്പ്.
കോവിഡ് മൂന്നാം തരംഗം നേരിടാന് ആക്ഷന് പ്ലാന് തയാറാക്കി ആരോഗ്യവകുപ്പ്. ആശുപത്രികളിലെ ചികിത്സാ സൗകര്യങ്ങള് വര്ധിപ്പിക്കുന്നതിനോടൊപ്പം തന്നെ പരമാവധി ജനങ്ങള്ക്ക് വാക്സിന് നല്കി സുരക്ഷിതമാക്കാനാണ് ആരോഗ്യവകുപ്പിന്റെ ശ്രമം. പ്രതിദിനം രണ്ട് മുതല് രണ്ടര ലക്ഷം പേര്ക്ക് വാക്സിന് നല്കുക എന്നതാണ് സർക്കാർ ലക്ഷ്യം. ആരോഗ്യമന്ത്രി വീണാ ജോർജിന്റെ നേതൃത്വത്തിൽ ഇന്ന് ചേർന്ന ഉന്നതതല യോഗത്തിലാണ് നിർണായക തീരുമാനം കൈക്കൊണ്ടത്.
വാക്സിനേഷന് ആവശ്യമായ വാക്സിന് ലഭ്യമാക്കേണ്ടതാണെന്നും മന്ത്രി പറഞ്ഞു. അതിനുള്ള സൗകര്യങ്ങളും ജീവനക്കാരേയും വര്ധിപ്പിക്കണം. രജിസ്ട്രേഷന് ചെയ്യാന് അറിയാത്ത സാധാരണക്കാര്ക്കായി രജിസ്ട്രേഷന് ഡ്രൈവ് ആരംഭിക്കുന്നതാണ്. ഞായറാഴ്ചകളിലും മറ്റ് അവധി ദിവസങ്ങളിലും വാക്സിന് സുഗമമായി നടത്തണമെന്നും മന്ത്രി നിര്ദേശം നല്കി. സര്ക്കാരിന്റെ ഫലപ്രദമായ ഇടപെടലിന്റേയും ലോക്ക്ഡൗണിന്റേയും ഫലമായി രണ്ടാം തരംഗത്തിന്റെ തീവ്രത കുറഞ്ഞ് വരികയാണ്. നിലവില് കോവിഡിനായി മാറ്റിവച്ചിരിക്കുന്ന കിടക്കകളില് 47 ശതമാനം മാത്രമാണ് രോഗികളുള്ളത്.
പക്ഷെ മൂന്നാം തരംഗം മുന്നില് കണ്ട് സര്ക്കാര് സ്വകാര്യ ആശുപത്രികളില് കൂടുതല് കിടക്കകള് സജ്ജമാക്കുന്നതാണ്. ഓക്സിജന് കിടക്കകള്, ഐസിയു, വെന്റിലേറ്റര് എന്നിവയുടെ എണ്ണവും കൂട്ടുന്നതാണ്.
ഓക്സിജന് ക്ഷാമം ഉണ്ടാകാതിരിക്കാന് പ്രതിദിന ഉത്പാദനം 60 മെട്രിക് ടണ് ആക്കി ഉയര്ത്താനാണ് ലക്ഷ്യമിടുന്നത്. അനുവദിച്ച ഓക്സിജന് പ്ലാന്റുകള് എത്രയും വേഗം പൂര്ത്തിയാക്കേണ്ടതാണ്. മരുന്നുകള്, ഉപകരണങ്ങള്, പരിശോധനാ സാമഗ്രികള്, സുരക്ഷാ ഉപകരണങ്ങള് എന്നിവ നേരത്തെ തന്നെ സംഭരിക്കാന് കെഎംഎസ്സിഎല്ലിന് മന്ത്രി നിര്ദേശം നല്കി.
Photo Courtesy : Google/ images are subject to copyright