ഝാര്‍ഖണ്ഡില്‍ ജഡ്ജിയുടെ മരണം കൊലപാതകമെന്ന് തെളിഞ്ഞു.
ഝാര്‍ഖണ്ഡിലെ ധന്‍ബാദില്‍ ജില്ലാ ജഡ്ജി ദുരൂഹ സാഹചര്യത്തില്‍ വാഹനം ഇടിച്ച്‌ മരിച്ച സംഭവത്തില്‍ കൊലപാതകത്തിന് കേസ് എടുത്തു. കേസില്‍ പ്രത്യേക അന്വേഷണ സംഘത്തെ നിയോഗിക്കുകയും ചെയ്തു. ഹൈക്കോടതി ജഡ്ജിയുടെ മേല്‍നോട്ടത്തിലാകും പ്രത്യേക സംഘത്തിന്റെ അന്വേഷണം.ജഡ്ജിയെ ഇടിച്ച ഓട്ടോയും കസ്റ്റഡിയില്‍ എടുത്തു. സ്വതന്ത്ര അന്വേഷണം വേണമെന്ന് നേരത്തെ സുപ്രീംകോടതി ചീഫ് ജസ്റ്റിസ് എന്‍.വി.രമണ നിര്‍ദ്ദേശിച്ചിരുന്നു. വാഹനം ഇടിച്ച്‌ കൊലപ്പെടുത്തിയതാണെന്ന് സംശയിക്കാവുന്ന ഞെട്ടിക്കുന്ന വീഡിയോ ദൃശ്യങ്ങള്‍ പുറത്തുവന്നതിന് പിന്നാലെയാണ് കോടതി ഇടപെടല്‍ നടത്തിയിരിക്കുന്നത്.
Photo Courtesy : Google/ images are subject to copyright
