അഫ്ഗാനില്‍ രക്ഷാ പ്രവര്‍ത്തനത്തിനെത്തിയ ഉക്രെയ്ന്‍ വിമാനം ആയുധധാരികളായ ഒരു സംഘം അജ്ഞാത സംഘം റാഞ്ചിയെന്നും ഇറാനിലിറക്കിയെന്നും ഇന്നലെ റിപ്പോര്‍ട്ടുണ്ടായിരുന്നു, എന്നാല്‍ പ്രചരിച്ച വാര്‍ത്ത വ്യാജമാണെന്ന് വെളിപ്പെടുത്തുകയാണ് ഇറാനും ഉക്രെയ്‌നും. ഉക്രൈന്‍ സര്‍ക്കാരുമായി അസ്വാരസ്യമുള്ള റഷ്യയില്‍ നിന്നും ടാസ് എന്ന ന്യൂസ് ഏജന്‍സിയാണ് വാര്‍ത്ത റിപ്പോര്‍ട്ട് ചെയ്തിരുന്നത്. എന്നാല്‍ കാബൂളില്‍ വെച്ച്‌ ഉക്രൈന്‍ വിമാനം തട്ടിക്കൊണ്ടു പോയിട്ടില്ലെന്നും വിദേശ മാധ്യമങ്ങളില്‍ പ്രചരിക്കുന്ന വാര്‍ത്ത തെറ്റാണെന്നും ഉക്രൈന്‍ വിദേശ കാര്യ മന്ത്രാലയ പ്രതിനിധി പ്രതികരിച്ചു. ഇറാന്‍ ഏവിയേഷന്‍ അതോറിറ്റിയും വാര്‍ത്തകള്‍ നിഷേധിച്ചു. ഇറാനിലെ മഷ്ഹദ് നഗരത്തില്‍ ഇന്ധനം നിറച്ച വിമാനം ഉക്രൈനിലേക്ക് പറന്നെന്നാണ് ഇറാന്‍ ഏവിയേഷന്‍ അതോറിറ്റി അറിയിച്ചത്. അജ്ഞാതരായ ഒരു സംഘമാണ് വിമാനം തട്ടിയെടുത്തതെന്നും ഇതിന് പിന്നാലെ നടത്തിയ മൂന്ന് ഒഴിപ്പിക്കല്‍ ശ്രമങ്ങളും പരാജയപ്പെട്ടെന്നും ഉക്രൈന്‍ ഡെപ്യൂട്ടി വിദേശകാര്യ മന്ത്രി പറഞ്ഞയതായായിരുന്നു റിപ്പോര്‍ട്ട്.

Photo Courtesy : Google/ images are subject to copyright

കോവിഡ് മഹാമാരിയുടെ രണ്ടാംവരവിൽ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചതും വാക്‌സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്‌ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.

# Break the chain #Indian Fighters Corona