കുട്ടിക്കൊമ്പനെ സ്വീകരിക്കാന് കോന്നി ആനത്താവളം ഒരുങ്ങി.
മൂന്നാഴ്ച മുൻപ് ലഭിച്ച ഒൻപതുമാസം പ്രായമുള്ള കുട്ടിക്കൊമ്പനെ സ്വീകരിക്കാന് കോന്നി ആനത്താവളം ഒരുങ്ങി. മൂന്നാഴ്ച മുൻപ് ആങ്ങമൂഴി ഭാഗത്തുനിന്ന് ലഭിച്ച കുട്ടിക്കൊമ്പനെയാണ് കൊച്ചുകോയിക്കല് ഫോറസ്റ്റ് സ്റ്റേഷനില് നിന്ന് കോന്നിയിലെ ആനത്താവളത്തിലേക്ക് മാറ്റുന്നത്. നേരത്തെ റേഞ്ച് ഓഫിസറുടെ ക്വാര്ട്ടേഴ്സായിരുന്ന കെട്ടിടത്തിലാണ് ആനയെ പാര്പ്പിക്കുക. നിലവില് കോന്നിയിലെ ആന ക്യാമ്പില് 5 ആനകള് ഉണ്ട് . കൃഷ്ണ, ഈവ, പ്രിയദര്ശിനി, മീന, നീലകണ്ഠന് എന്നീ ആനകളാണ് ഇപ്പോഴുള്ളവ .
കുട്ടിക്കൊമ്പന് പകല് സമയങ്ങളില് കളിക്കുവാനായി കെട്ടിടത്തിന്റെ മുറ്റത്ത് മുളകൊണ്ട് പ്രത്യേകം സ്ഥലം കെട്ടിത്തിരിച്ചിട്ടുണ്ട്. ഇക്കഴിഞ്ഞ ഓഗസ്റ്റ് 19 നാണ് ഗൂഡ്രിക്കല് റെയിഞ്ചിലെ കിളിയെറിഞ്ഞാന്കല്ല് ചെക്ക്പോസ്റ്റിന് സമീപത്ത് നിന്നും ആനക്കുട്ടിയെ കിട്ടിയത്. ആനക്കുട്ടിക്ക് പാല്പ്പൊടി, തേങ്ങാപ്പാല്, ഗ്ലൂക്കോസ്, പ്രോട്ടീന്, എണ്ണ എന്നിവ ദ്രവരൂപത്തിലാക്കിയാണ് നല്കുന്നത്. കൂടാതെ ഉച്ചയ്ക്കു ശേഷം അരി, ശര്ക്കര, കാരറ്റ്, ഏത്തയ്ക്ക എന്നിവ അരച്ചെടുത്ത് നല്കും.
Photo Courtesy : Google/ images are subject to copyright
കോവിഡ് മഹാമാരിയുടെ രണ്ടാംവരവിൽ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona