നോറോ വൈറസ്; ആശങ്ക വേണ്ടെന്ന് ആരോഗ്യമന്ത്രി
സംസ്ഥാനത്ത് നോറോ വൈറസ് സ്ഥിരീകരിച്ച സാഹചര്യത്തില് ആശങ്ക വേണ്ടെന്ന് ആരോഗ്യമന്ത്രി വീണ ജോര്ജ്ജ് .ഇന്നലെയാണ് പൂക്കോട് വെറ്ററിനറി കോളജിലെ 32 വിദ്യാര്ഥികള്ക്ക് രോഗം സ്ഥിരീകരിച്ചത്. പ്രതിരോധ പ്രവര്ത്തനങ്ങള് ഊര്ജ്ജിതമാക്കാന് മന്ത്രി നിര്ദേശം നല്കി. ജില്ലയില് ആരോഗ്യ വകുപ്പ് ജാഗ്രതാ നിര്ദേശം നല്കിയിട്ടുണ്ട്. നിലവില് ആശങ്കപ്പെടേണ്ട സാഹചര്യമില്ലെങ്കിലും എല്ലാവരും ജാഗ്രത പാലിക്കണമെന്നും. വയനാട് ജില്ലയില് അടിയന്തര യോഗം വിളിച്ച് സ്ഥിതിഗതികള് വിലയിരുത്തിയ ശേഷം മാധ്യമങ്ങളോട് സംസാരിക്കുകയായിരുന്നു മന്ത്രി. സൂപ്പര് ക്ലോറിനേഷന് ഉള്പ്പെടെയുള്ള പ്രവര്ത്തനങ്ങള് നടന്നു വരുന്നു. കുടിവെള്ള സ്രോതസുകള് ശുചിയാണെന്ന് ഉറപ്പ് വരുത്തേണ്ടതാണ്. കൃത്യമായ പ്രതിരോധത്തിലൂടെയും ചികിത്സയിലൂടെയും രോഗം വേഗത്തില് ഭേദമാകുന്നതാണ്. അതിനാല് രോഗത്തെപ്പറ്റിയും അതിന്റെ പ്രതിരോധ മാര്ഗ്ഗങ്ങളെപ്പറ്റിയും എല്ലാവരും അറിഞ്ഞിരിക്കേണ്ടതാണെന്നും മന്ത്രി വ്യക്തമാക്കി.
Photo Courtesy : Google/ images are subject to copyright
കോവിഡ് മഹാമാരിയുടെ രണ്ടാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona