വിവാദ കാര്ഷിക നിയമങ്ങള് പിന്വലിച്ചുള്ള ബില് കേന്ദ്രം പാസാക്കി
വിവാദ കാര്ഷിക നിയമങ്ങള് പിന്വലിക്കാനുള്ള ബില് ലോക്സഭയില് ചര്ച്ചയില്ലാതെ കേന്ദ്ര സര്ക്കാര് പാസാക്കി. ഒരു വര്ഷത്തിലേറെയായി രാജ്യത്തെ കര്ഷകരുടെ പ്രതിഷേധത്തിനിടയാക്കിയ വിവാദ കാര്ഷിക നിയമങ്ങളാണ് കേന്ദ്ര സര്ക്കാര് പിൻവലിച്ചത്. കൃഷിമന്ത്രി നരേന്ദ്ര സിംഗ് തോമറാണ് ബില് അവതരിപ്പിച്ചത്. വിവാദമായ മൂന്നു നിയമങ്ങളും പിന്വലിക്കാന് കേന്ദ്രം അവതരിപ്പിച്ചബില്ലിന്മേല് ചര്ച്ച വേണമെന്ന പ്രതിപക്ഷ ആവശ്യം സ്പീക്കര് തള്ളുകയുമായിതിനെത്തുടര്ന്ന് കനത്ത ബഹളമാണ് സഭയിലുണ്ടായത്. വിവാദ നിയമങ്ങള് പിന്വലിച്ചെങ്കിലും കര്ഷക സമരം തുടരുമെന്ന് ഭാരതീയ കിസാന് യൂണിയന് നേതാവ് രാകേഷ് ടികായത് പ്രഖ്യാപിച്ചു . മിനിമം താങ്ങുവില ഉള്പ്പടെയുള്ള കാര്യങ്ങളില് മോദി സര്ക്കാരില്നിന്ന് തീരുമാനം വേണം. കര്ഷകരുടെ ഭാവി സമര പരിപാടികളെക്കുറിച്ച് ഡിസംബര് നാലിന് തീരുമാനിക്കുമെന്നും ടികായത് വ്യക്തമാക്കി.
കോവിഡ് മഹാമാരിയുടെ രണ്ടാംവരവിൽ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona