കിഴക്കമ്പലത്തെ അതിക്രമം; പരിക്കേറ്റ പോലീസുകാരുടെ ചികിത്സചെലവ് വഹിക്കുമെന്ന് സംസ്ഥാന പോലീസ് മേധാവി അനില് കാന്ത്
കിഴക്കമ്പലത്തെ കിറ്റക്സ് ജീവനക്കാര് നടത്തിയ അക്രമം തടയുന്നതിനിടെ പരിക്കേറ്റ പോലീസ് ഉദ്യോഗസ്ഥരുടെ ചികിത്സാചെലവ് പോലീസ് വഹിക്കുമെന്ന് സംസ്ഥാന പോലീസ് മേധാവി അനില് കാന്ത് . അതിക്രമത്തിന് ഇരയായ പോലീസ് ഉദ്യോഗസ്ഥര് ചികിത്സയ്ക്കായി മുടക്കിയ പണം തിരികെ നല്കും. ചികിത്സ തുടരുന്നവര്ക്ക് ആവശ്യമായ പണം നല്കാനും തീരുമാനമായതായി ഡിജിപി അറിയിച്ചു.
സംഭവവുമായി ബന്ധപ്പെട്ട് ഇതുവരെ 163 പേരെ അറസ്റ്റ് ചെയ്തു. വധശ്രമം ഉള്പ്പടെ 12 വകുപ്പുകളാണ് പ്രതികള്ക്കെതിരെ ചുമത്തിയിരിക്കുന്നത്. ആക്രമികള് പോലീസ് ഇന്സ്പെക്ടറെ വധിക്കാന് ശ്രമിച്ചെന്നാണ് റിമാന്ഡ് റിപ്പോര്ട്ട്. കല്ല്, മരവടി,മാരകായുധങ്ങള് എന്നിവ ഉപയോഗിച്ച് പോലീസിനെ ആക്രമിച്ചു. പോലീസ് ജീപ്പ് കത്തിച്ചു. സര്ക്കാരിന് 12 ലക്ഷം രൂപയുടെ നഷ്ടമുണ്ടായെന്നും എസ്എച്ച്ഒ ഉള്പ്പടെയുള്ള പോലീസിനെ വധിക്കാന് ശ്രമിച്ചത് 50ലേറെ പേര് ചേര്ന്നാണെന്നും റിപ്പോര്ട്ടിലുണ്ട്.
Photo Courtesy : Google/ images are subject to copyright
കോവിഡ് മഹാമാരിയുടെ രണ്ടാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona