നടിയെ ആക്രമിച്ച കേസില് സംവിധായകന് ബാലചന്ദ്ര കുമാറിന്റെ രഹസ്യ മൊഴിയെടുക്കാന് എറണാകുളം സി ജെ എം കോടതിയുടെ അനുമതി
നടിയെ ആക്രമിച്ച കേസില് സംവിധായകന് ബാലചന്ദ്ര കുമാറിന്റെ രഹസ്യ മൊഴിയെടുക്കാന് എറണാകുളം സി ജെ എം കോടതി അനുമതി നല്കി.രഹസ്യ മൊഴി രേഖപ്പെടുത്താന് മജിസ്ട്രേറ്റിനെ ചുമതലപ്പെടുത്തും. നടിയെ ആക്രമിച്ച കേസിലെ മുഖ്യ പ്രതി സുനില് കുമാറുമായി പ്രതി ദിലീപിന് ബന്ധമുണ്ടെന്നും, നടിയുടെ അപകീര്ത്തികരമായ ദൃശ്യങ്ങള് ദിലീപിന്റെ കൈവശമുണ്ടെന്നുമുള്ള സംവിധായകന് ബാലചന്ദ്ര കുമാറിന്റെ വെളിപ്പെടുത്തലിന്റെ സാഹചര്യത്തിൽ അദ്ദേഹത്തിന്റെ രഹസ്യ മൊഴി രേഖപ്പെടുത്താനാണ് സി ജെ എം കോടതി അനുമതി നല്കിയത്. കേസില് വിചാരണയ്ക്ക് ആറ് മാസം കൂടി സമയം അനുവദിക്കണമെന്ന് സര്ക്കാര് സുപ്രീം കോടതിയെ അറിയിച്ചിരുന്നു. ഫെബ്രുവരി 16 വരെയാണ് വിചാരണയ്ക്ക് സമയം അനുവദിച്ചിരുന്നത്. എന്നാല് നിര്ണായകമായ പുതിയ വെളിപ്പെടുത്തലുകള് വന്ന സാഹചര്യത്തില് വിചാരണ നീട്ടണമെന്നാണ് സര്ക്കാരിന്റെ ആവശ്യം.
Photo Courtesy : Google/ images are subject to copyright
കോവിഡ് മഹാമാരിയുടെ മൂന്നാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona