ഓടക്കുഴല് അവാര്ഡ് സമ്മാനിച്ചു
ഗുരുവായൂരപ്പന് ട്രസ്റ്റിന്റെ 2021ലെ ഓടക്കുഴല് അവാര്ഡ് എഴുത്തുകാരി സാറാ ജോസഫിന് ഡോ. ലീലാവതി സമ്മാനിച്ചു. സാറാ ജോസഫിന്റെ ‘ബോധിനി’ നോവലാണ് അവാർഡിനർഹമായത്. 30,000 രൂപയും ശില്പവും ഫലകവും അടങ്ങുന്ന അവാര്ഡ് കൊച്ചിയില് നടന്ന ചടങ്ങിലാണ് സമ്മാനിച്ചത്.
സാറാ ജോസഫിന്റെ ‘ആലാഹയുടെ പെണ്മക്കള്’ നോവല് ഖസാക്കിന്റെ ഇതിഹാസത്തിനൊപ്പം നില്ക്കുന്നതാണെന്ന് എം. ലീലാവതി പറഞ്ഞു. എന്നാല്, ഇങ്ങനെ പറഞ്ഞാല് പുരുഷന്മാര്ക്ക് അത്ര ഇഷ്ടപ്പെടില്ല. ആരുടെയും ഇഷ്ടം നോക്കാതെതന്നെ താനിത് പറയും. ഈ നോവല് മറുഭാഷയിലേക്ക് പരിഭാഷപ്പെടുത്തിയാലും സൗന്ദര്യം ചോരുമെന്ന് തന്നെയാണ് കരുതുന്നത്. അതേസമയം, ‘ബോധിനി’ വിവര്ത്തനം ചെയ്താലും അതിന്റെ സൗന്ദര്യം നഷ്ടപ്പെടില്ല. മുന് പ്രധാനമന്ത്രി ജവഹര്ലാല് നെഹ്റുവും നോവലിലെ കഥാപാത്രമാണ്. നായിക അനുഭവിക്കുന്ന ദുരിതങ്ങള്ക്ക് അദ്ദേഹവും പരോക്ഷമായി ഒരു കാരണമാണ്. ഇത്തരത്തില് ധൈര്യം കാട്ടിയ നോവലിസ്റ്റിന്റെ അഭിനന്ദിക്കുന്നതായും അവര് പറഞ്ഞു. ഡോ. ഇ.വി രാമകൃഷ്ണന് മുഖ്യപ്രഭാഷണം നടത്തി. എഴുത്തുകാരന് കെ.ബി. പ്രസന്നന് സംസാരിച്ചു. രാഹുല് രാധാകൃഷ്ണന് അവാര്ഡിന് അര്ഹമായ നോവല് പരിചയപ്പെടുത്തി. ജി. മധുസൂദനന് സ്വാഗതം പറഞ്ഞു.
Photo Courtesy : Google/ images are subject to copyright
കോവിഡ് മഹാമാരിയുടെ മൂന്നാംവരവിൽ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona