നിഷാമിന്റെ ജാമ്യാപേക്ഷ സുപ്രിംകോടതി തള്ളി
ചന്ദ്രബോസ് കൊലക്കേസിലെ പ്രതിയും വ്യവസായിയുമായ നിഷാമിന്റെ ജാമ്യാപേക്ഷ സുപ്രിംകോടതി തള്ളി. ജീവപര്യന്തം ശിക്ഷ അനുഭവിക്കുന്ന നിഷാമിന് ജാമ്യം നല്കരുതെന്ന് കോടതിയില് സര്ക്കാര് ആവശ്യപ്പെട്ടു. തൃശൂര് ശോഭാ സിറ്റി സെക്യൂരിറ്റി ചന്ദ്രബോസിനെ കൊലപ്പെടുത്തിയ കേസിലെ പ്രതിയാണ് നിഷാം. സെക്യൂരിറ്റി ജീവനക്കാരന് ചന്ദ്രബോസിനെ കൊലപ്പെടുത്തിയ കേസില് ലഭിച്ച ജീവപര്യന്തം ശിക്ഷക്കെതിരെ മുഹമ്മദ് നിഷാം നല്കിയ അപ്പീല് ആറ് മാസത്തിനുള്ളില് തീര്പ്പാക്കണമെന്ന് സുപ്രീം കോടതി പറഞ്ഞു. ഹൈക്കോടതിക്കാണ് ജസ്റ്റിസുമാരായ ഇന്ദിര ബാനര്ജി, എ എസ് ബൊപ്പണ്ണ എന്നിവര് അടങ്ങിയ സുപ്രീം കോടതി ബെഞ്ച് നിര്ദ്ദേശം നല്കിയത്.
ആറ് മാസത്തിനുള്ളില് അപ്പീലില് തീര്പ്പായില്ലെങ്കില് ശിക്ഷ മരവിപ്പിക്കാനോ, ജാമ്യത്തിനായോ നിഷാമിന് കോടതിയെ സമീപിക്കാമെന്നും സുപ്രീം കോടതി വ്യക്തമാക്കി. ഇപ്പോള് ജാമ്യം അനുവദിക്കണമെന്ന മുഹമ്മദ് നിഷാമിന്റെ ആവശ്യം സുപ്രീം കോടതി അംഗീകരിച്ചില്ല. മുഹമ്മദ് നിഷാമിന് വേണ്ടി അഭിഭാഷകന് അഡോള്ഫ് മാത്യുവും സംസ്ഥാന സര്ക്കാരിന് വേണ്ടി സ്റ്റാന്റിംഗ് കോണ്സല് നിഷേ രാജന് ഷൊങ്കറും ഹാജരായി. കേസില് മുഹമ്മദ് നിഷാമിന് ജീവപര്യന്തവും 24 വര്ഷത്തെ തടവുശിക്ഷയുമാണ് കോടതി വിധിച്ചത്.
Photo Courtesy : Google/ images are subject to copyright
കോവിഡ് മഹാമാരിയുടെ മൂന്നാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona