മണിപ്പൂരിലെ ഇംഫാലില് സൈനിക ക്യാമ്പിന് സമീപമുണ്ടായ കനത്ത മണ്ണിടിച്ചിലില് രണ്ടുപേര് മരിച്ചു
മണിപ്പൂരിലെ ഇംഫാലില് സൈനിക ക്യാമ്പിന് സമീപമുണ്ടായ കനത്ത മണ്ണിടിച്ചിലില് രണ്ടുപേര് മരിച്ചു.
രണ്ട് ടെറിട്ടോറിയല് ആര്മി ജവാന്മാരാണ് മരിച്ചത്. ജവാന്മാര് അടക്കം 20 ഓളം പേരെ കാണാതായി. കാണാതായവരില് രണ്ട് ദമ്പതികളും ഒരു കുട്ടിയും ഉള്പ്പെടുന്നു. മണ്ണിടിച്ചിലില് നിന്ന് 13 പേരെ രക്ഷപ്പെടുത്തിയിട്ടുണ്ട്. നോനി ജില്ലയിലെ ജിരി ബാം റെയില്വേ ലൈന് സമീപമാണ് മണ്ണിടിച്ചിലുണ്ടായത്. റെയില് പാത നിര്മ്മാണത്തിന് സഹായം ചെയ്യാനെത്തിയവരാണ് അപകടത്തില് പെട്ടത്. സൈന്യം, ആസാം റൈഫിള്സ്, മണിപ്പൂര് പൊലിസ് എന്നിവരുടെ നേതൃത്വത്തില് രക്ഷാപ്രവര്ത്തനം തുടരുകയാണ്. സ്ഥലത്ത് കനത്ത മഴ തുടരുന്നത് രക്ഷാപ്രവര്ത്തനത്തിന് പ്രതിസന്ധി സൃഷ്ടിക്കുന്നതായി സൈന്യം അറിയിച്ചു. ഹെലികോപ്ടര് അടക്കം വിന്യസിച്ചാണ് രക്ഷാപ്രവര്ത്തനം പുരോഗമിക്കുന്നത്. മണ്ണിടിച്ചിലിനെ തുടര്ന്ന് ഇസായി നദിയുടെ ഒഴുക്ക് തടസ്സപ്പെട്ടതും ഭീഷണിയായി മാറിയിട്ടുണ്ട്.
Photo Courtesy : Google/ images are subject to copyright
കോവിഡ് മഹാമാരിയുടെ മൂന്നാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona