പെണ്‍കുട്ടികളെയും സ്ത്രീകളെയും ലൈംഗികമായി ചൂഷണം ചെയ്ത കേസില്‍ അമേരിക്കന്‍ ഗായകന്‍ ആര്‍.കെല്ലിക്ക് 30 വര്‍ഷം തടവ് .55 കാരനായ കെല്ലിയെ ന്യൂയോര്‍ക്ക് ജൂറി ശിക്ഷിച്ചതിന് ഏകദേശം ഒരു വര്‍ഷത്തിന് ശേഷമാണ് ബ്രൂക്ക്ലിന്‍ ഫെഡറല്‍ കോടതിയുടെ വിധി. ജഡ്ജി ആന്‍ ഡോണലി ബുധനാഴ്ചയാണ് ശിക്ഷ വിധിച്ചത്.

”വിധി ഇതാണ്..ആര്‍. കെല്ലിക്ക് 30 വര്‍ഷം തടവ് വിധിച്ചു,” ന്യൂയോര്‍ക്കിലെ ഈസ്റ്റേണ്‍ ഡിസ്ട്രിക്റ്റ് ഫോര്‍ യു.എസ് അറ്റോര്‍ണി ഓഫീസ് ഒരു ട്വീറ്റ് ചെയ്തു. കഴിഞ്ഞ സെപ്തംബറില്‍ കെല്ലി ലൈംഗിക കുറ്റകൃത്യങ്ങളില്‍ കുറ്റക്കാരനാണെന്ന് കോടതി കണ്ടെത്തിയിരുന്നു. തന്‍റെ ജനപ്രീതി ഉപയോഗിച്ചാണ് 20 കൊല്ലത്തോളം കെല്ലി സ്ത്രീകളെയും കുട്ടികളെയും ലൈംഗികമായി ചൂഷണം ചെയ്തത്. തന്‍റെ പരിപാടികള്‍ ആസ്വദിക്കാനെത്തിയവരാണ് കെല്ലിയുടെ ഇരകളിലേറെയും. സംഗീതരംഗത്തെ തുടക്കാക്കാരെ പ്രോത്സാഹിപ്പിക്കാനെന്ന വ്യാജേനയാണ് പലരെയും വലയില്‍ വീഴ്ത്തിയത്. ഇപ്പോഴും പൊതുജനങ്ങള്‍ക്ക് ഗുരുതരമായ അപകടമുണ്ടാക്കുന്നുവെന്നും കെല്ലിയെ കുറഞ്ഞത് 25 വര്‍ഷമെങ്കിലും അഴിക്കുള്ളിലാക്കണമെന്ന് പ്രോസിക്യൂട്ടര്‍മാര്‍ കോടതിയോട് അഭ്യര്‍ഥിച്ചിരുന്നു. ”അവന്‍റെ പ്രവൃത്തികള്‍ ധിക്കാരപരവും കൃത്രിമവും നിയന്ത്രിക്കുന്നതും നിര്‍ബന്ധിതവുമായിരുന്നു. നിയമത്തോട് അദ്ദേഹം ബഹുമാനം കാണിച്ചിട്ടില്ല,” പ്രോസിക്യൂട്ടര്‍മാര്‍ അവരുടെ ശിക്ഷാ കുറിപ്പില്‍ എഴുതി. കെല്ലിയുടെ അഭിഭാഷകര്‍ പരമാവധി 17 വര്‍ഷം വരെ ശിക്ഷയില്‍ ഇളവ് അനുവദിക്കണമെന്ന് ആവശ്യപ്പെട്ടു. ചിക്കാഗോയിലെ കോടതിയില്‍ ആഗസ്ത് 15ന് മറ്റൊരു കേസിന്‍റെ വിചാരണ ആരംഭിക്കാനിരിക്കെയാണ് ശിക്ഷാവിധി.

Photo Courtesy : Google/ images are subject to copyright
കോവിഡ് മഹാമാരിയുടെ മൂന്നാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്‌സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്‌ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona