റേഷന് കടകൾ കെ സ്റ്റോറുകളാകുന്നു; അക്ഷയ സെന്ററുകള് മുതൽ ബാങ്കിംഗ് സംവിധാനം വരെ ലഭിക്കും
റേഷന് കടകള് കെ സ്റ്റോറുകളാക്കുന്ന പദ്ധതി ഓഗസ്റ്റ് മുതലാണ് ആരംഭിക്കുന്നത്. ആദ്യഘട്ടത്തില് 70 റേഷന് കടകളിലാണ് പദ്ധതി നടപ്പാക്കുന്നത്. മിനി അക്ഷയ സെന്ററുകള്, സപ്ലൈകോയുടെ ഉല്പ്പന്നങ്ങള്, 5000 രൂപ വരെയുള്ള ബാങ്കിംഗ് സംവിധാനം എന്നിവ കെ സ്റ്റോറില് ലഭ്യമാക്കാനാണ് ഉദ്ദേശിക്കുന്നത്. മില്മയുടെ ഉല്പ്പന്നങ്ങള്, മിനി എല്.പി.ജി സിലിണ്ടര് എന്നിവയും കെ സ്റ്റോർ മുഖേനെ ലഭിക്കും. ഓരോ ജില്ലയില് നിന്നും നാല് റേഷന് കടകള് വീതമാണ് ആദ്യഘട്ടത്തില് കെ സ്റ്റോറാകുന്നത്. കെ സ്റ്റോറിനായി ഇതുവരെ ലഭിച്ചത് 837 അപേക്ഷകളാണെന്ന് അധികൃതർ വ്യക്തമാക്കി. വീട്ടിലേക്കാവശ്യമായ നിത്യോപയോഗ സാധനങ്ങള് മുതല് ഗ്യാസ് വരെ വാങ്ങാവുന്ന തരത്തിലാണ് റേഷന് കടകള് സ്മാര്ട്ടാകുന്നത്. എല്ലാ റേഷന് കാര്ഡുകാര്ക്കും കെ-സ്റ്റോര് ആനുകൂല്യങ്ങള് ലഭിക്കും.
Photo Courtesy : Google/ images are subject to copyright
കോവിഡ് മഹാമാരിയുടെ നാലാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona