വീടിന്റെ തറ തുരന്ന് നടത്തിയ പരിശോധനയില്‍ മൃതദേഹം കണ്ടെത്തി. കാണാതായ ആര്യാട് സ്വദേശി ബിന്ദുകുമാറിന്റെതാണ് മൃതദേഹം എന്ന് സംശയം. ബിന്ദുകുമാറിന്റെ സുഹൃത്തായ മുത്തുകുമാര്‍ കൊന്നുവെന്ന നിഗമനത്തില്‍ പോലീസ്. മുത്തുകുമാറിന്റെ വീടിന്റെ തറയ്ക്കുള്ളില്‍ ആണ് മൃതദേഹം കണ്ടെത്തിയത്. മൃതദേഹം ബിന്ദുകുമാറിന്റെതാണോ എന്ന് സ്ഥിരീകരിക്കാന്‍ ഡിഎന്‍എ പരിശോധന നടത്തും. കഴിഞ്ഞ തിങ്കളാഴ്ച മുതലാണ് ബിന്ദു കുമാറിനെ കാണാതായതെന്ന് ബന്ധുക്കള്‍ പറയുന്നു. പോലീസ് സംഘം പ്രാഥമിക പരിശോധന നടത്തിയപ്പോള്‍ മൃതദേഹം ഇവിടെ ഉണ്ടെന്ന് കണ്ടെത്തുകയായിരുന്നു. കഴിഞ്ഞ ദിവസം വാകത്താനം ഇരവിനല്ലൂരില്‍ തോട്ടില്‍ നിന്നും ആലപ്പുഴ രജിസ്ട്രേഷനിലുള്ള ബൈക്ക് കണ്ടെത്തിയിരുന്നു.ഇതുമായി ബന്ധപ്പെട്ട് നടത്തിയ അന്വേഷണത്തിലാണ് മൃതദേഹം കണ്ടെത്തിയത്.

Photo Courtesy : Google/ images are subject to copyright
കോവിഡ് മഹാമാരിയുടെ നാലാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona