നെയ്തേങ്ങയെന്ന് കരുതി സന്നിധാനത്തെ ആഴിയിലേക്ക് വലിച്ചെറിഞ്ഞത് മൊബൈല് ഫോണ്, തിരിച്ചെടുത്ത് ഫയര് ഓഫീസര്
ശബരിമല സന്നിധാനത്തെ ആഴിയിലേക്ക് വലിച്ചെറിഞ്ഞ മൊബൈല് ഫോണ് അഗ്നി രക്ഷാ സേനയുടെ സമയോചിത ഇടപെടല് മൂലം ഉടമയ്ക്ക് തിരികെ ലഭിച്ചു. രക്ഷാപ്രവര്ത്തനത്തിനിടെ അഗ്നിരക്ഷാ സേന ഉദ്യോഗസ്ഥന് പൊള്ളലേറ്റു. ഫയര് ഓഫീസറായ വി സുരേഷ് കുമാറിനാണ് പൊള്ളലേറ്റത്.
കിളിമാനൂര് പള്ളിക്കല് ആനകുന്നം ചന്ദന ഹൗസില് അഖില് രാജിന്റെ മുപ്പതിനായിരം രൂപയോളം വില വരുന്ന മൊബൈല് ഫോണാണ് അഗ്നിരക്ഷാ സേനയുടെ ഇടപെടല് മൂലം ആഴിയില് നിന്നും വീണ്ടെടുത്തത്. ചൊവ്വാഴ്ച വൈകിട്ട് ആറുമണിയോടെ ആയിരുന്നു സംഭവം.
Photo Courtesy : Google/ images are subject to copyright