കര്ണ്ണാടക നിയമസഭാ തെരഞ്ഞെടുപ്പ് മെയ്10 ന്
കര്ണ്ണാടക നിയമസഭാ തെരഞ്ഞെടുപ്പ് ഒറ്റഘട്ടമായി നടക്കും. മെയ്10 നാണ് വോട്ടെടുപ്പ്. വോട്ടെണ്ണല് മെയ് 13 ന് നടക്കും. 80 വയസ്സ് പിന്നിട്ടവര്ക്കും ഭിന്നശേഷിക്കാര്ക്കും വീട്ടിലിരുന്ന് വോട്ട് ചെയ്യാന് സൗകര്യമൊരുക്കുമെന്നും തെരഞ്ഞെടുപ്പ് കമ്മീഷന് അറിയിച്ചു. കര്ണ്ണാടകയില് 5,21,73579 വോട്ടർമാർ വിധിയെഴുതും. പുതിയ വോട്ടർമാരെയും മറ്റ് പ്രത്യേക പരിഗണന വേണ്ട വിഭാഗങ്ങളെയും തെരഞ്ഞെടപ്പിന്റെ ഭാഗമാക്കാൻ പ്രത്യേകശ്രമം നടത്തിയെന്നും തെരഞ്ഞെടുപ്പ് കമ്മീഷന് അറിയിച്ചു. 9, 17,241 പുതിയ വോട്ടർമാർ ഇത്തവണ വോട്ട് ചെയ്യും. 41,312 ട്രാൻസ്ജെൻഡർ വോട്ടർമാരുണ്ട്. 29,141 ബൂത്തുകളിൽ വെബ്കാസ്റ്റിങ് ഏര്പ്പെടുത്തും. നഗരമേഖലകളിലെ പോളിങ് കുറവ് പരിഹരിക്കാൻ നടപടികൾ സ്വീകരിച്ചു. സ്ഥാനാർത്ഥിയുടെ സത്യവാങ്മൂലം ഓൺലൈനായി വോട്ടർമാർക്ക് കാണാനാകും. തെരഞ്ഞെടുപ്പുമായി ബന്ധപ്പെട്ട പരാതികൾക്ക് സിവിജിൽ ആപ്പ് തയ്യാറാക്കുമെന്നും കമ്മീഷണര് അറിയിച്ചു.
Photo Courtesy : Google/ images are subject to copyright