സംസ്ഥാനത്ത് ചൂട് കൂടിയതോടെ ജലക്ഷാമം രൂക്ഷമാകുമെന്ന് മുന്നറിയിപ്പ്
സംസ്ഥാനത്ത് ചൂട് കൂടിയതോടെ ജലക്ഷാമം രൂക്ഷമാകുമെന്ന മുന്നറിയിപ്പുമായി സി ഡബ്ല്യു ആര് ഡി എമ്മിലെ ശാസ്ത്രജ്ഞര്. വരും ദിവസങ്ങളില് മഴ കിട്ടിയില്ലെങ്കില് ജല സ്രോതസ്സുകളിലെ ജല നിരപ്പ് വലിയ തോതില് താഴുമെന്നാണ് മുന്നറിയിപ്പ്. സംസ്ഥാനത്തിന്റെ പല ജില്ലകളിലും ഭൂഗര്ഭജലത്തിന്റെ അളവും കുറഞ്ഞിട്ടുണ്ട്. മഴ മാറി നില്ക്കുകയാണെങ്കില് അന്തരീക്ഷ ബാഷ്പീകരണം കൂടുകയും ജലനിരപ്പ് വലിയ തോതില് കുറയുകയും ചെയ്യും. ഭൂഗര്ഭജലനിരപ്പിലും വലിയ തോതില് കുറവുണ്ടായിട്ടുണ്ട്. ജലവിനിയോഗത്തില് കടുത്ത നിയന്ത്രണം വേണ്ടി വരുമെന്നാണ് മുന്നറിയിപ്പ്. ഒരു വര്ഷം കിട്ടേണ്ട മഴയുടെ അളവില് മാറ്റമുണ്ടായിട്ടില്ലെങ്കിലും മഴ കിട്ടുന്ന കാലയളവ് കാലാവസ്ഥാ വ്യതിയാനം മൂലം കുറഞ്ഞതാണ് പ്രതിസന്ധിയായത്. എങ്കിലും വേനല്മഴ കാര്യമായി കിട്ടിയാല് പ്രശ്നങ്ങളുണ്ടാവില്ലെന്നാണ് കണക്കൂകൂട്ടല്.
Photo Courtesy : Google/ images are subject to copyright