മതിവരാത്ത സൗന്ദര്യതീരം: പ്യൂര്ട്ടോ റികോ
പലവിധ വര്ണ്ണങ്ങളാല് പ്രകാശിക്കുന്ന പ്യൂര്ട്ടോ റികോയിലെ ഉള്ക്കടല് പ്രത്യേകമാണ്. ജലത്തിന് പ്രകാശം ലഭിക്കുന്നത് കൃത്രിമമായല്ല. ഇവിടുത്തെ സൂക്ഷ്മമായ ജലജീവികള് പുറപ്പെടുവിക്കുന്ന പ്രകാശമാണിത്. പ്യൂര്ട്ടോ റികോയിലെ ഉള്ക്കടലുകള് സമ്മാനിക്കുന്ന ബയോ ലൂമിനിസന്റ് എന്ന ഈ പ്രകൃത്യത്ഭൂതം കാണാന് വിനോദസഞ്ചാരികളുടെ തിരക്കാണെപ്പോഴും. സൂര്യപ്രകാശത്തില് കുളിച്ചുനില്ക്കുന്ന ബീച്ചുകളും കുന്നുകള് നിറഞ്ഞ കാടുകളും അപൂര്വ്വ കാഴ്ച തന്നെ. ബീച്ചുകള് തെന്നയാണ് ഇവിടത്തെ ഏറ്റവും വലിയ നിധി. കുന്നുകളില് നിറയെ കാപ്പി തോട്ടങ്ങളാണ്. മത്സ്യങ്ങള് നിറഞ്ഞ തടാകങ്ങളും മുഴങ്ങുന്ന പൊട്ടിച്ചിരിയോടെ കുതിച്ചുചാടുന്ന വെള്ളച്ചാട്ടങ്ങളും പെട്ടെന്ന് മറക്കാവുന്ന കാഴ്ചകളല്ല.
പഴയ പ്യൂര്ട്ടോ റികോയില് നിന്ന് പുതിയ പ്യൂര്ട്ടോ റികോയിലേക്കുള്ള ദൂരം ഏറെയാണ്. പഴയ കോളനിവാഴ്ചക്കാലത്തെ ഗാംഭീര്യമാര്ന്ന, വാസ്തുശില്പകലയുടെ മകുടോദാഹരണങ്ങളായ കെട്ടിടങ്ങള് ഫ്രഷായി സംരക്ഷിച്ചിരിക്കുന്നു. ഒപ്പം ആധുനിക ഷോപ്പിംഗ് മാളുകള് അതിനോട് തോള് ചേര്ന്ന് നില്ക്കുന്നു. ആധുനിക കാലവേഗത്തെ ഓര്മ്മിപ്പിച്ചുകൊണ്ട് ചീറിപ്പായുന്ന എസ്യുവികളും ഇവിടുത്തെ സ്ഥിരം ദൃശ്യമാണ്.
യുഎസുമായി അമ്പരിപ്പിക്കുന്ന ബന്ധമാണ് ഈ പ്രദേശത്തിനുള്ളത്. 1952ന് ശേഷം കോമണ്വെല്ത് ഓഫ് പ്യൂര്ട്ടോ റികോ എന്നാണ് അറിയപ്പെടുന്നത്. സൂര്യന് കീഴില് ഒരു ഒഴിവുകാലം ആസ്വദിക്കാന് മോഹിക്കുന്ന അമേരിക്കക്കാര്ക്ക് ഒരു പാസ്പോര്ട്ടെടുത്താല് മാത്രം മതി. പ്യൂര്ട്ടോ റികോയില് എത്താം, ആഘോഷിക്കാം. ലാറ്റിന് അമേരിക്കന് രാജ്യങ്ങളിലേതുപോലെ രാഷ്ട്രീയവിപ്ലവങ്ങളൊും സൃഷ്ടിച്ചില്ലെങ്കിലും പ്യൂര്ട്ടോ റികോയ്ക്ക് അവരുടേതായ സ്പന്ദിക്കുന്ന സാംസ്കാരികത്തനിമകള് ഉണ്ട്.
അടുത്ത പേജില് തുടരുന്നു