വയനാട് എം.പി രാഹുല് ഗാന്ധി മുഖ്യമന്ത്രി പിണറായി വിജയനുമായി കൂടിക്കാഴ്ച്ചനടത്തി.
വയനാട് എം.പി രാഹുല് ഗാന്ധി മുഖ്യമന്ത്രി പിണറായി വിജയനെ സന്ദർശിച്ചു. വയനാട്ടിലെ ബന്ദിപ്പുര് രാത്രിയാത്രാ നിരോധനം സംബന്ധിച്ച് ചർച്ചചെയ്യുന്നതിനായാണ് സന്ദർശനം നടത്തിയത്. രാത്രി യാത്രാനിരോധനം ജനങ്ങള്ക്ക് വലിയ ബുദ്ധിമുട്ടുണ്ടാക്കുന്നുണ്ടെന്നും ഇതിന് എത്രയും വേഗം പരിഹാരം കാണണമെന്നും മുഖ്യമന്ത്രിയോട് രാഹുൽ ഗാന്ധി ആവശ്യപ്പെട്ടു.
ഇക്കാര്യം കേന്ദ്രത്തിന്റെ ശ്രദ്ധയില്പ്പെടുത്താമെന്ന് രാഹുല് ഗാന്ധിക്ക് മുഖ്യമന്ത്രി ഉറപ്പ് നൽകി. ദുരിതാശ്വാസ സഹായ വിതരണം, പ്രളയബാധിതരുടെ പുനരധിവാസം തുടങ്ങിയ വിഷയങ്ങളും രാഹുൽഗാന്ധി മുഖ്യമന്ത്രിയുമായി ചർച്ച ചെയ്തു. ഉടന് നഷ്ടപരിഹാരം നല്കണമെന്ന് മുഖ്യമന്ത്രിയോട് രാഹുൽഗാന്ധി ആവശ്യപ്പെട്ടു.
രാത്രിയാത്ര നിരോധനവുമായി ബന്ധപ്പെട്ട നടന്നുകൊണ്ടിരിക്കുന്ന പ്രതിഷേധസമരങ്ങളുടെ പശ്ചാത്തലത്തിലായിരുന്നു മുഖ്യമന്ത്രിയുമായി രാഹുല് ഗാന്ധി കൂടിക്കാഴ്ച നടത്തിയത്. നിലവിൽ ഡൽഹിയിലുള്ള മുഖ്യമന്ത്രി പിണറായി വിജയൻ കേന്ദ്ര ഉപരിതലഗതാഗത മന്ത്രി നിതിന് ഗഡ്കരിയുമായി വിഷയം ചര്ച്ച ചെയ്യും.
Photo Courtesy : Google/ images are subject to copyright