ജനുവരി 31, ഫെബ്രുവരി 1 ദിവസങ്ങളിൽ ബാങ്ക് ജീവനക്കാർ പണിമുടക്കുന്നു.
വരും ദിവസങ്ങളിൽ ബാങ്ക് ജീവനക്കാർ പണിമുടക്കുന്നു. ജനുവരി 31, ഫെബ്രുവരി 1 ദിവസങ്ങളിലാണ് ബാങ്ക് ജീവനക്കാർ പണിമുടക്കുന്നത്. കാലാവധി കഴിഞ്ഞ സേവന വേതന കരാര് പരിഷ്കരിക്കണമെന്നാവശ്യപ്പെട്ടാണ് പണിമുടക്ക്. യുണൈറ്റഡ് ഫോറം ഓഫ് ബാങ്ക് യൂണിയന്സാണ് സമരം പ്രഖ്യാപിച്ചിരിക്കുന്നത്.
പൊതുമേഖലയിലേയും, സ്വകാര്യമേഖലയിലെയും ബാങ്ക് ജീവനക്കാർ പണിമുടക്കും. പണിമുടക്ക് ദിനങ്ങളില് കേന്ദ്രീകൃത പ്രതിഷേധറാലിയും ധര്ണയും ഉണ്ടാകും. ഫെബ്രുവരി ഒന്നിന് ജില്ലാ കളക്ടര്മാര് വഴി പ്രധാനമന്ത്രിക്കു നിവേദനം നല്കും. നിവേദനത്തിൽ ഉന്നയിച്ചിരിക്കുന്ന ആവശ്യങ്ങൾ അംഗീകരിച്ചില്ലെങ്കിൽ മാര്ച്ച് 11 മുതല് 13 വരെ വീണ്ടും പണിമുടക്കും.
എന്നിട്ടും ആവശ്യങ്ങൾ അംഗീകരിച്ചില്ലെങ്കിൽ ഏപ്രിൽ ഒന്നുമുതൽ അനിശ്ചിതകാല പണിമുടക്ക് ആരംഭിക്കുമെന്നാണ് ഭാരവാഹികൾ അറിയിച്ചത്. കുടുംബ പെന്ഷന് വര്ധിപ്പിക്കുക, പെന്ഷന് പരിഷ്കരിക്കുക, സ്റ്റാഫ് വെല്ഫെയര് ഫണ്ട് പുതുക്കൽ നടപ്പാക്കുക, പങ്കാളിത്ത പെന്ഷന് പദ്ധതി റദ്ദാക്കുക തുടങ്ങിയ പന്ത്രണ്ട് കാര്യങ്ങൾ ഉന്നയിച്ചാണു സമരം.
Photo Courtesy : Google/ images are subject to copyright