ഇന്ത്യയിലെത്തിയ 15 ഇറ്റാലിയന് പൗരന്മാര്ക്ക് കൊറോണ വൈറസ് ബാധിച്ചതായി സ്ഥിരീകരിച്ചു: 6 പേർ നിരീക്ഷണത്തിൽ.
ഇന്ത്യയിലെത്തിയ 15 ഇറ്റാലിയന് പൗരന്മാര്ക്ക് കൊറോണ വൈറസ് ബാധിച്ചതായി സ്ഥിരീകരിച്ചു. എയിംസില് നടത്തിയ പരിശോധനയിലാണ് രോഗബാധ സ്ഥിരീകരിച്ചത്. ഡല്ഹി ചാവ്ല ക്യാമ്പില് നിരീക്ഷണത്തില് കഴിഞ്ഞിരുന്നവര്ക്കാണ് രോഗം സ്ഥിരീകരിച്ചത്. ഇതോടെ ഇന്ത്യയില് 18 പേര്ക്കാണ് നിലവില് കൊറോണ വൈറസ് ബാധിച്ചിരിക്കുന്നത്.
21 വിനോദസഞ്ചാരികളാണ് ഇറ്റലിയില് നിന്നുള്ള സംഘത്തിലുള്ളത്. സംഘത്തിലെ ഒരു വിനോദസഞ്ചാരിക്കും ഭാര്യയ്ക്കും നേരത്തെ രോഗം സ്ഥിരീകരിച്ചിരുന്നു. കൂടാതെ ആറ് ഇറ്റാലിയന് പൗരന്മാര് കൂടി നിരീക്ഷണത്തിലുണ്ട്. രോഗബാധിതര് ഐ.ടി.ബി.പി ക്യാംപിലെ ഐസൊലേഷന് വാര്ഡിലാണുളളത്. കൂടുതൽ കൊറോണ കേസുകൾ റിപ്പോർട്ട് ചെയ്ത സാഹചര്യത്തിൽ കേന്ദ്ര ആരോഗ്യമന്ത്രി ഹര്ഷ് വര്ധന് ഉന്നതതല യോഗം വിളിച്ചു.
ഇന്ത്യയിലെ പ്രധാന വിനോദസഞ്ചാരകേന്ദ്രമെന്ന നിലയില് ഡല്ഹിയില് കൊറോണ ബാധിതരുടെ എണ്ണം ഇനിയും കൂടുമെന്നാണ് റിപ്പോർട്ടുകൾ. അതേസമയം, കൊറോണ വൈറസ് ഭീതിക്കിടെ ഇറ്റാലിയന് കപ്പല് കൊച്ചി തുറമുഖത്തെത്തി. ആഢംബര കപ്പലിലുള്ള 459പ്പേരെയും പരിശോധനയ്ക്ക് വിധേയരാക്കിയെന്നാണ് പോര്ട് ട്രസ്റ്റ് അറിയിച്ചത്.
Photo Courtesy : Google/ images are subject to copyright