കൊറോണ വൈറസ് സമൂഹ വ്യാപനം തടയുന്നതിനായി കോട്ടയം ജില്ലയിൽ ഇന്ന് നിരോധനാജ്ഞ പ്രഖ്യാപിച്ചു.
കൊറോണ വൈറസ് സമൂഹ വ്യാപനം തടയുന്നതിനായി കോട്ടയം ജില്ലയിൽ നിരോധനാജ്ഞ പ്രഖ്യാപിച്ചു. ജില്ലാ കളക്ടര് പി.കെ. സുധീര് ബാബു സിആര്പിസി സെക്ഷന് 144 പ്രകാരമാണ് നിരോധനാജ്ഞ പ്രഖ്യാപിച്ചത്. ഇന്ന് രാവിലെ മുതൽ നിരോധനാജ്ഞ നിലബിൾ വന്നു.
അതിനാൽ തന്നെ ജില്ലയുടെ പരിധിയില് വരുന്ന പ്രദേശങ്ങളില് നാലു പേരില് കൂടുതല് ഒത്തുചേരുന്നതിന് നിരോധമുണ്ട്. സര്ക്കാര് പ്രഖ്യാപിച്ചിട്ടുള്ള ആവശ്യ സര്വീസുകളെ നിരോധനത്തില് നിന്ന് ഒഴിവാക്കിയെന്നും ഉത്തരവിൽ പറയുന്നു.
കൊറോണ മുന്കരുതല് നടപടികള്ക്ക് വിരുദ്ധമായി ജനങ്ങള് നിയമവിരുദ്ധമായി കൂട്ടം കൂടുന്നതായി ജില്ലാ പോലീസ് മേധാവിയും കോട്ടയം പാലാ സബ് ഡിവിഷണല് മജിസ്ട്രേറ്റുമാരും റിപ്പോര്ട്ട് ചെയ്തതിൻ്റെ അടിസ്ഥാനത്തിലാണ് നിരോധനാജ്ഞ പ്രഖ്യാപിച്ചത്.
ഉത്തരവ് നടപ്പാക്കാൻ ജില്ലാ പോലീസ് മേധാവിക്ക് ഉത്തരവ് നൽകിയതായി ജില്ലാ കളക്ടർ അറിയിച്ചു, കൂടാതെ ഇത് ലംഘിക്കുന്നവര്ക്കെതിരെ കർശന നടപടി സ്വീകരിക്കാനും ജില്ലാ പോലീസ് മേധാവിക്ക് ഉത്തരവ് നൽകിയിട്ടുണ്ട്.
എല്ലാവരുടെയും സുരക്ഷയ്ക്കായാണ് ഇങ്ങനെയൊരു നടപടിയെന്നും ഇതിനോട് എല്ലാവരും സഹരിക്കണമെന്നും ജില്ലാകളക്ടർ അറിയിച്ചു. ഇന്നലെ പായിപ്പാട് അതിഥി തൊഴിലാളികള് ലോക്ക് ഡൗണ് നിബന്ധനകള് ലംഘിച്ചു കൂട്ടത്തോടെ തെരുവിലിറങ്ങി നടത്തിയ പ്രതിഷേധത്തിന് പിന്നാലെയാണ് ജില്ലയില് നിരോധനാജ്ഞ പ്രഖ്യാപിച്ചത്.
Photo Courtesy : Google/ images are subject to copyright