കേരളത്തില് അടുത്ത ദിവസങ്ങളില് അതിശക്തമായ മഴയ്ക്ക് സാധ്യത.
തെക്കന് ചൈന കടലില് രൂപപ്പെട്ട ‘ന്യോള് ‘ ചുഴലിക്കാറ്റിൻ്റെ സ്വാധീനത്തില് അറബിക്കടലില് കാലവര്ഷ കാറ്റ് ശക്തമാകും. അതേസമയം ചുഴലിക്കാറ്റ് ദുര്ബലമായി ന്യൂനമര്ദം രൂപപ്പെടാനും സാധ്യതയുണ്ടെന്നാണ് കേന്ദ്ര കാലാവസ്ഥ നിരീക്ഷണ കേന്ദ്രം അറിയിച്ചത്.
അതിനാൽ കേരളത്തില് അടുത്ത ദിവസങ്ങളില് അതിശക്തമായ മഴയ്ക്ക് സാധ്യതയെന്ന് മുന്നറിയിപ്പുണ്ട്. മലയോര മേഖലകളില് മഴ കനത്തേക്കും. തിങ്കളാഴ്ച്ച വരെ എല്ലാ ജില്ലകളിലും മഴമുന്നറിയിപ്പ് നല്കിയിട്ടുണ്ട്.
ഇന്ന് കോട്ടയം, ഇടുക്കി ജില്ലകളില് ഓറഞ്ച് അലര്ട്ട് പ്രഖ്യാപിച്ചു. നാളെ എറണാകുളം, ഇടുക്കി, മലപ്പുറം, കോഴിക്കോട്, വയനാട് ജില്ലകളിലും തിങ്കളാഴ്ച്ച ഇടുക്കി, പാലക്കാട്, മലപ്പുറം കോഴിക്കോട്, വയനാട് ജില്ലകളിലും ഓറഞ്ച് അലേര്ട്ട്. പൊതുജനങ്ങള് ജാഗ്രത പാലിക്കണമെന്ന് സംസ്ഥാന ദുരന്ത നിവാര അതോറിറ്റി നിര്ദേശം നല്കി.
മലയോര മേഖലകളിലേക്കുള്ള രാത്രി യാത്ര പൂര്ണമായി ഒഴിവാക്കണമെന്നും നിര്ദേശമുണ്ട്. സര്ക്കാര് സംവിധാനങ്ങളോട് ആവശ്യമായ മുന്നൊരുക്കങ്ങള് നടത്താനും നിര്ദേശം. കേരള തീരത്ത് ശക്തമായ കാറ്റിനും, ഉയര്ന്ന തിരമാലയ്ക്കും സാധ്യതയുണ്ട്.
കടല് പ്രക്ഷുബ്ദ്ധമാകാനും സാധ്യതയുള്ളതിനാല്മത്സ്യതൊഴിലാളികള് കടലില് പോകരുതെന്ന് മുന്നറിയിപ്പ്. കടലേറ്റ ഭീഷണിയുള്ളതിനാല് തീരമേഖലയില് താമസിക്കുന്നവരും ജാഗ്രത പുലര്ത്തണം.
Photo Courtesy : Google/ images are subject to copyright