മലയാള സിനിമയില് മുത്തച്ഛന് വേഷങ്ങളിലൂടെ എല്ലാവർക്കും പരിചിതനായ ഉണ്ണികൃഷ്ണന് നമ്പൂതിരി അന്തരിച്ചു.
മലയാള സിനിമയില് മുത്തച്ഛന് വേഷങ്ങളിലൂടെ എല്ലാവർക്കും പരിചിതനായ ഉണ്ണികൃഷ്ണന് നമ്പൂതിരി അന്തരിച്ചു. 98-ാം വയസ്സില് കോവിഡിനെ അതിജീവിച്ച വ്യക്തികൂടിയാണ് അദ്ദേഹം. പയ്യന്നൂരിലെ ആശുപത്രിയിലായിരുന്നു അന്ത്യം. കോവിഡ് ബാധിച്ച് അദ്ദേഹം ഒരാഴ്ചയിലധികം കണ്ണൂരിലെ സ്വകാര്യ ആശുപത്രിയില് ചികിത്സയിലായിരുന്നു. പിന്നീട് കോവിഡ് നെഗറ്റീവായി വീട്ടിലേക്ക് മടങ്ങിയിരുന്നു.
ആഴ്ചകള്ക്കു മുന്പ് അദ്ദേഹത്തിന് ന്യുമോണിയ ബാധിച്ചിരുന്നു. ആദ്യം പയ്യന്നൂരിലെ സ്വകാര്യ ആസ്പത്രിയിലും തുടര്ന്ന് കണ്ണൂരിലെ സ്വകാര്യ ആസ്പത്രിയിലും ചികിത്സ തേടുകയായിരുന്നു. ആ സമയത്ത് കോവിഡ് പരിശോധനാഫലം നെഗറ്റീവായിരുന്നു.
ന്യുമോണിയ ഭേദമായതിനെത്തുടര്ന്ന് വീട്ടില് വിശ്രമത്തില് കഴിയുകയായിരുന്ന ഉണ്ണികൃഷ്ണന് നമ്ബൂതിരിക്ക് രണ്ടുദിവസത്തിനുശേഷം വീണ്ടും പനി ബാധിക്കുകയും തുടര്ന്ന് ആസ്പത്രിയില് പ്രവേശിപ്പിക്കുകയും ചെയ്തു. അപ്പോള് നടത്തിയ പരിശോധനയിലാണ് കോവിഡ് പോസിറ്റീവ് ആണെന്ന് കണ്ടെത്തിയത്. രണ്ടുദിവസം ഐ.സി.യുവില് കഴിയേണ്ടിവന്നെങ്കിലും വൈകാതെ ആരോഗ്യം വീണ്ടെടുത്തു.
ദേശാടന’ത്തിലെ മുത്തച്ഛന് കഥാപാത്രത്തിലൂടെയാണ് ഉണ്ണികൃഷ്ണന് നമ്ബൂതിരി സിനിമയില് സജീവമാകുന്നത്. ഒരാള് മാത്രം, കളിയാട്ടം, മേഘമല്ഹാര്, കല്ല്യാണരാമന്, നോട്ട്ബുക്ക്, രാപ്പകല്, ഫോട്ടോഗ്രാഫര്, ലൗഡ്സ്പീക്കര്, പോക്കിരി രാജ, മായാമോഹിനി തുടങ്ങി ഇരുപത്തഞ്ചോളം സിനിമകളുടെ ഭാഗമായിട്ടുണ്ട്.
ഒട്ടേറെ ചിത്രങ്ങള് അദ്ദേഹത്തിന്റേതായി ഉണ്ടെങ്കിലും ഏവരും അറിയുന്നത് ‘കല്യാണരാമനിലെ’ രാമന്കുട്ടിയുടെ മുത്തച്ഛന് എന്ന കഥാപാത്രത്തിലൂടെയാണ്. തമിഴിലും വേഷങ്ങൾ ചെയ്തിട്ടുണ്ട് അദ്ദേഹം. കൈതപ്രം ദാമോദരന് നമ്പൂതിരി ഇദ്ദേഹത്തിൻ്റെ മരുമകന് ആണ്.
Photo Courtesy : Google/ images are subject to copyright