സമരം ചെയ്ത സര്ക്കാര് ജീവനക്കാര്ക്ക് രണ്ട് ദിവസത്തെ ശമ്പളം; സര്ക്കാര് ഉത്തരവ് റദ്ദാക്കി ഹൈക്കോടതി.
സമരം ചെയ്ത സര്ക്കാര് ജീവനക്കാര്ക്ക് രണ്ട് ദിവസത്തെ ശമ്പളം അനുവദിച്ച സര്ക്കാരിന് കനത്ത തരിച്ചടി. സമര ദിനങ്ങള് ശമ്പള അവധിയായി കണക്കാക്കി ഇറക്കിയ ഉത്തരവ് ഹൈക്കോടതി റദ്ദാക്കി.
ആലപ്പുഴ കളര്കോട് സ്വദേശിയും മുന് സര്ക്കാര് ഉദ്യോഗസ്ഥനുമായ ജി. ബാലഗോപാല് സമര്പ്പിച്ച പൊതുതാല്പ്പര്യ ഹര്ജിയിലാണ് ചീഫ് ജസ്റ്റീസ് അധ്യക്ഷനായ ഡിവിഷന് ബെഞ്ചിന്റെ ഈ ഉത്തരവ്. ശമ്പളം നല്കിയിട്ടുണ്ടെങ്കില് തിരിച്ചുപിടിക്കാനും കോടതി നിര്ദേശിച്ചു.
കേന്ദ്രസര്ക്കാരിന്റെ തൊഴിലാളി വിരുദ്ധ നയങ്ങളില് പ്രതിഷേധിച്ചാണ് ജനുവരി എട്ട്, ഒമ്പത് തീയതികളില് ജീവനക്കാര് പണിമുടക്കിയത്. ഇതിനു പിന്നാലെ ജീവനക്കാര്ക്ക് ശമ്പളം ഉള്പ്പെടെയുള്ള എല്ലാ ആനുകൂല്യങ്ങളും നല്കാന് സര്ക്കാര് ഉത്തരവിറക്കുകയായിരുന്നു.
സംസ്ഥാനത്ത് ഡയസ്നോണ് നിലനില്ക്കെ പണിമുടക്കില് പങ്കെടുത്ത സര്ക്കാര് ജീവനക്കാര്ക്ക് കാഷ്വല് അവധി അനുവദിച്ച് ഹാജര് രേഖപ്പെടുത്താന് അവസരം നല്കി സമരം വിജയിച്ചത് സംസ്ഥാനത്തെ ജനങ്ങളെ വിഡ്ഢികളാക്കുന്നതിന് തുല്യമാണെന്നും സര്ക്കാര് നടപടി പക്ഷപാതപരമാണെന്നും ചൂണ്ടിക്കാട്ടിയായിരുന്നു ഹര്ജി.
പ്രളയക്കെടുതി മൂലം സംസ്ഥാനം കടുത്ത സാമ്പത്തിക പ്രതിസന്ധി നേരിടുമ്പോള് ഖജനാവില് നിന്ന് 180 കോടി ചെലവഴിച്ച് സമരക്കാര്ക്ക് ശമ്പളം നല്കാനുള്ള സര്ക്കാര് നീക്കം ഏകപക്ഷീയമാണെന്നും ഉത്തരവ് റദ്ദാക്കണമെന്നുമായിരുന്നു ഹര്ജിയിലെ ആവശ്യം.
ഉത്തരവ് രണ്ടു മാസത്തിനകം നടപ്പാക്കണം. സര്ക്കാര് ജീവനക്കാരുടേയും അധ്യാപകരുടേയും ഹാജര് രജിസ്റ്റര് പരിശോധിച്ച് നടപടിയെടുക്കാനും ശമ്പളം നല്കിയിട്ടുണ്ടെങ്കില് തിരിച്ചുപിടിക്കാനും കോടതി നിര്ദേശിച്ചു.
Photo Courtesy : Google/ images are subject to copyright