ജോണ്സണ് ആന്ഡ് ജോണ്സണ്സ് വാക്സിന് ഇഎംഎയുടെ പച്ചക്കൊടി
ജോണ്സണ് ആന്ഡ് ജോണ്സണ്സ് വാക്സിന്റെ പാര്ശ്വഫലങ്ങള് സംബന്ധിച്ച സംശയങ്ങളില് വ്യക്തത വരുത്തി യൂറോപ്യന് മെഡിസിന്സ് ഏജന്സി. അത്യപൂര്വമായ പാര്ശ്വഫലം മാത്രമാണ് വാക്സിന് എടുത്ത ചിലരില് കണ്ടുവരുന്ന രക്തം കട്ടപിടിക്കല് എന്നാണ് ഏജന്സിയുടെ വിലയിരുത്തല്. വാക്സിനും രക്തം കട്ടപിടിക്കലും തമ്മില് ബന്ധമുണ്ട്. എന്നാല്, ഇത് വളരെ അപൂര്വമായൊരു സാധ്യത മാത്രമാണെന്നും ഇഎംഎ വിലയിരുത്തുന്നു. വാക്സിന് കൊണ്ടുള്ള ഗുണഫലങ്ങള് പാര്ശ്വഫലങ്ങളെ അപേക്ഷിച്ച് വളരെ കൂടുതലാണെന്നും ഏജന്സി വിലയിരുത്തുന്നു. അസ്ട്രസെനക്ക വാക്സിനെക്കുറിച്ചും സമാന റിപ്പോര്ട്ട് തന്നെയാണ് ഇഎംഎ നല്കിയിരുന്നത്. ജോണ്സണ് & ജോണ്സണ് കമ്പനിയുടെ കൊറോണ പ്രതിരോധ വാക്സിന് യൂറോപ്യന് മെഡിസിന്സ് ഏജന്സി പച്ചക്കൊടി കാട്ടിയത് രോഗപ്രതിരോധ മേഖലയ്ക്ക് പ്രതീക്ഷ കൂട്ടിയിരിയ്ക്കുകയാണ്. മറ്റു വാക്സിനുകളില് നിന്ന് വ്യത്യസ്തമായി ഇത് ഒരിക്കല് മാത്രം സ്വീകരിച്ചാൽ മതിയെന്ന പ്രത്യേകതയാണ് കമ്പനി ചൂണ്ടിക്കാട്ടുന്നത്. പാന്ഡെമിക്കെതിരായ പോരാട്ടത്തിലെ സുപ്രധാന നാഴികക്കല്ലാണ് ജോണ്സണ് ആന്റ് ജോണ്സനില് നിന്നുള്ള വാക്സിൻ.
Photo Courtesy : Google/ images are subject to copyright