ഓഹരി വിപണിയില്‍ കിറ്റക്സിന് വിലയിടിവ്..
ഓഹരി വിപണിയില്‍ വന്‍ കുതിപ്പിന് പിന്നാലെ കിറ്റക്സിന് വിലയിടിവ് 200 രൂപക്ക് മുകളില്‍ പോയ കിറ്റ്ക്സ് ഓഹരി കഴിഞ്ഞ ദിവസം 176 രൂപയിലാണ് വ്യാപാരം അവസാനിപ്പിച്ചത്. 7.65 രൂപയുടെ നഷ്ടമാണ് വെള്ളിയാഴ്ച കിറ്റക്സിനുണ്ടായത്. ബി.എസ്.ഇയുടെ ഓണ്‍ലൈന്‍ സര്‍വൈലന്‍സ് വിഭാഗം കിറ്റക്സിനോട് വിശദീകരണം ചോദിച്ചതാണ് കമ്പനിയുടെ കുതിപ്പിന് തടയിട്ടതെന്നാണ് സൂചന. ഇതിനൊപ്പം ഓഹരികള്‍ നിക്ഷേപകര്‍ വലിയ രീതിയില്‍ വിറ്റഴിച്ചതും തിരിച്ചടിയായി. രണ്ട് ദിവസം അപ്പർപ്രൈംസ് ബാന്‍ഡില്‍ 20 ശതമാനം ഉയര്‍ച്ചയില്‍ നിന്നതോടെയാണ് ബി.എസ്.ഇ ഓണ്‍ലൈന്‍ സര്‍വൈലന്‍സ് വിഭാഗം കിറ്റക്സിനോട് വിശദീകരണം തേടിയത്. തെലങ്കാനയിലെ നിക്ഷേപം സംബന്ധിച്ച വാര്‍ത്തകളാണ് കുതിപ്പിന് പിന്നിലെന്നായിരുന്നു കിറ്റക്സ് വിശദീകരണം. കിറ്റക്സ് ഇതുമായി ബന്ധപ്പെട്ട് വിശദീകരണം നല്‍കിയെങ്കിലും കമ്പനിയുടെ ഓഹരി വില ഇടിയുകയായിരുന്നു. ബി.എസ്.ഇ എ ഗ്രൂപ്പില്‍ ഒരു ദിവസം ഏറ്റവും നഷ്ടമുണ്ടാക്കിയ ഓഹരി കിറ്റക്സായിരുന്നു.
വ്യാഴാഴ്ചയായിരുന്നു വിപണിയില്‍ കിറ്റക്സിന്‍റെ ഇടിവ് തുടങ്ങിയത്. വെള്ളിയാഴ്ചയും കിറ്റക്സിന് തിരിച്ചടി നേരിട്ടു.
Photo Courtesy : Google/ images are subject to copyright
