ലോകം കാത്തിരിക്കുന്ന കായികമാമാങ്കം ഒളിമ്പിക്സിന് തിരി തെളിയാന്‍ ദിവസങ്ങള്‍ മാത്രം ശേഷിക്കേ ഒളിമ്പിക്‌സ് വില്ലേജില്‍ ആദ്യമായി കോവിഡ് സ്ഥിരീകരിച്ചു. ഗെയിംസിന്റെ സംഘാടനവുമായി ബന്ധപ്പെട്ട് വിദേശത്ത് നിന്ന് എത്തിയ ഒഫീഷ്യലിനാണ് രോഗബാധ സ്ഥിരീകരിച്ചത്. കോവിഡ് സ്ഥിരീകരിച്ചതിന് പിന്നാലെ ആ ഒഫീഷ്യലിനെ ഗെയിംസ് വില്ലേജില്‍ നിന്ന് ഹോട്ടലിലേക്ക് മാറ്റി. എന്നാല്‍ ഒഫീഷ്യലിന്റെ പേരോ മറ്റു വിവരങ്ങളോ അധികൃതർ പുറത്ത് വിട്ടിട്ടില്ല.ജൂലൈ 23-ന് ആരംഭിക്കുന്ന ഒളിമ്പിക്‌സിൽ പങ്കെടുക്കാൻ അത്‌ലറ്റുകള്‍ ഗെയിംസ് വില്ലേജില്‍ വന്നു തുടങ്ങിയിട്ടുണ്ട്. ഓഗസ്റ്റ് എട്ടിനാണ് ഒളിമ്പിക്‌സ് സമാപിക്കുക.

Photo Courtesy : Google/ images are subject to copyright