സംസ്ഥാനത്ത് സ്വകാര്യ ബസ്സുകളുടെ അനിശ്ചിതകാല പണിമുടക്ക് ആരംഭിച്ചു
സംസ്ഥാനത്ത് സ്വകാര്യ ബസ്സുകളുടെ അനിശ്ചിതകാല പണിമുടക്ക് ആരംഭിച്ചു . ഇന്ധനവില വര്ദ്ധിക്കുകയും ടിക്കറ്റ് നിരക്ക് മാറ്റമില്ലാതെ തുടരുകയും ചെയ്യുന്നതില് പ്രതിഷേധിച്ചാണ് ബസുടമകളുടെ വിവിധ സംഘടനകളുടെ സംയുക്ത സമരസമിതി പണിമുടക്ക് പ്രഖ്യാപിച്ചത്. നിരക്ക് വര്ദ്ധന ഉറപ്പു നല്കിയിട്ടും സര്ക്കാര് തീരുമാനം വൈകുന്നുവെന്ന് ബസുടമകള് പറഞ്ഞു. മിനിമം ചാര്ജ് പന്ത്രണ്ട് രൂപയായി ഉയര്ത്തുക, വിദ്യാര്ത്ഥികളുടെ ടിക്കറ്റ് നിരക്ക് ആറ് രൂപയാക്കുക, കിലോമീറ്റര് നിരക്ക് ഒരു രൂപ പത്ത് പൈസ വര്ദ്ധിപ്പിക്കുക തുടങ്ങിയ ആവശ്യങ്ങള് ഉന്നയിച്ചാണ് സമരം. വാര്ഷിക പരീക്ഷ തുടങ്ങിയതിനാല് സമരം വിദ്യാര്ത്ഥികളെയും ബാധിക്കും. അതേസമയം തിരുവനന്തപുരം നഗരത്തില് . 62 സ്വകാര്യ ബസ്സുകള് സര്വ്വീസ് നടത്തുന്നുണ്ട്. അതേസമയം യാത്രാനിരക്ക് കൂട്ടാനുള്ള തീരുമാനം നേരത്തെ എടുത്തതാണെന്നും എന്നുമുതല് വര്ദ്ധിപ്പിക്കണമെന്ന് കാര്യത്തില് മാത്രമാണ് തീരുമാനമെടുക്കാനുള്ളതെന്നും ഗതാഗതമന്ത്രി ആന്റണി രാജു അറിയിച്ചിരുന്നു. സമരത്തിലൂടെ സര്ക്കാരിനെ സമ്മര്ദ്ദത്തിലാക്കാമെന്ന് കരുതേണ്ടെന്നും മന്ത്രി നേരത്തെ വ്യക്തമാക്കിയിരുന്നു. കൂടുതല് കെ എസ് ആര് ടി സി ബസ്സുകള് സര്വ്വീസ് നടത്താനാണ് സര്ക്കാരിന്റെ തീരുമാനം.
Photo Courtesy : Google/ images are subject to copyright
കോവിഡ് മഹാമാരിയുടെ മൂന്നാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona