വിജയ് ബാബു കീഴടങ്ങുമെന്ന് പ്രതീക്ഷ – നടന് മുന്നില് മറ്റ് വഴികളില്ലെന്നു കമ്മിഷണര് സി എച്ച് നാഗരാജു
ബലാത്സംഗ കേസില് നടനും നിര്മ്മാതാവുമായ വിജയ് ബാബു കീഴടങ്ങും എന്നാണ് പ്രതീക്ഷയെന്ന് സിറ്റി പൊലീസ് കമ്മിഷണര് സി എച്ച് നാഗരാജു. നടന് മുന്നില് മറ്റ് വഴികളില്ല. വിജയ് ബാബു ദുബായില് ആണെന്ന് സ്ഥിരീകരിച്ചു. ഈ മാസം 24 നാണ് ബംഗളൂരുവില് നിന്ന് വിജയ് ബാബു ദുബായിലേക്ക് കടന്നത്. സിസിടിവി ദൃശ്യങ്ങള് മാത്രല്ല വേറെയും ശാസ്ത്രീയ തെളിവുകള് ഉണ്ട്. പരാതിയില് പറയുന്ന കാര്യങ്ങള് കഴമ്പുള്ളതാണെന്ന് ഓരോ നിമിഷവും തെളിയുന്നെന്നും കമ്മിഷണര് പറഞ്ഞു. കേസില് നിര്ണായക തെളിവുകള് ശേഖരിച്ചെന്ന്പൊലീസ് വ്യക്തമാക്കിയിരുന്നു. നടനും പരാതിക്കാരിയായ നടിയും കൊച്ചിയിലെ ആഡംബര ഹോട്ടലില് എത്തിയതിന്റെ സിസിടിവി ദൃശ്യങ്ങളാണ് പൊലീസിന് ലഭിച്ചത്. കൊച്ചി പനമ്പള്ളി നഗറിലെ ആഡംബര ഹോട്ടലില് നിന്നാണ് നിര്ണായകമായ സിസിടിവി ദൃശ്യങ്ങള് പൊലീസിന് ലഭിച്ചത്. കഴിഞ്ഞ മാര്ച്ച് 13 മുതല് ഏപ്രില് 14 വരെയുള്ള തീയതികളില് അഞ്ച് സ്ഥലത്ത് തന്നെ വിജയ് ബാബു കൊണ്ടുപോയി എന്നാണ് പരാതിക്കാരിയുടെ മൊഴിയില് ഉള്ളത്. മയക്കുമരുന്നും മദ്യവും നല്കി അര്ധബോധാവസ്ഥയില് വിജയ് ബാബു ബലാത്സംഗത്തിന് ഇരയാക്കി എന്നാണ് പരാതിയിലുള്ളത്. പീഢനവിവരം പുറത്ത് പറഞ്ഞാല് കൊല്ലും എന്നതടക്കമുള്ള ഭീഷണി തനിക്കുണ്ടായെന്നും നടിയുടെ പരാതിയിലുണ്ടായിരുന്നു.പീഢനപരാതി ബലപ്പെടുത്തുന്ന തരത്തില് ചലച്ചിത്ര പ്രവര്ത്തകരും ഹോട്ടല് ജീവനക്കാരും അടക്കം എട്ട് സാക്ഷികളുടെ മൊഴികളും പൊലീസിന് ലഭിച്ചു.
Photo Courtesy : Google/ images are subject to copyright
കോവിഡ് മഹാമാരിയുടെ മൂന്നാംവരവിൻറെ ഈ കാലത്ത് എല്ലാവരും മാസ്ക് ധരിച്ചും സാനിട്ടൈസ് ചെയ്തും സാമൂഹിക അകലം പാലിച്ചും വാക്സിനെടുത്തും കോവിഡ് പ്രതിരോധത്തിന് തയ്യാറാവണമെന്ന് യൂണിക്ടൈംസ് അഭ്യർത്ഥിക്കുന്നു. ഒത്തൊരുമയോടെ നിന്നാൽ നമുക്കീ മഹാമാരിയെ തോൽപ്പിക്കാനാവും.
# Break the chain #Indian Fighters Corona