കേ​ര​ള​ത്തി​ലെ മ​ന്ത്രി​മാ​രു​ടെ പേ​ഴ്‌​സ​ന​ല്‍ സ്റ്റാ​ഫ് നി​യ​മ​ന​ത്തി​ന് മാ​ന​ദ​ണ്ഡം കൊ​ണ്ടു​വ​ര​ണ​മെ​ന്ന ഹര്‍ജ്ജിയില്‍ വിശദ വാദം കേൾക്കുമെന്ന് സുപ്രീംകോടതി. പേ​ഴ്സ​ന​ൽ സ്റ്റാ​ഫി​ന് പെ​ൻ​ഷ​ൻ കൂ​ടി​യു​ണ്ടെ​ന്നറിഞ്ഞാണ്‌ ജ​സ്റ്റി​സു​മാ​രാ​യ അ​ജ​യ് ര​സ്തോ​ഗി, ബേ​ല എം. ​ത്രി​വേ​ദി എ​ന്നി​വ​ര​ട​ങ്ങു​ന്ന ബെ​ഞ്ച് ഹര്‍ജ്ജി വി​ശ​ദ​മാ​യി ​കേ​ൾ​ക്കാ​ൻ തീ​രു​മാ​നി​ച്ച​ത്.

കേ​ര​ള​ത്തി​ലെ മ​ന്ത്രി​മാ​രു​ടെ​യും പ്ര​തി​പ​ക്ഷ നേ​താ​വി​ന്റെ​യും ചീ​ഫ് വി​പ്പി​ന്റെ​യും പേ​ഴ്സ​ന​ല്‍ സ്റ്റാ​ഫ് നി​യ​മ​ന​ത്തി​ന് മാ​ന​ദ​ണ്ഡം കൊ​ണ്ടു​വ​ര​ണ​മെ​ന്നാ​വ​ശ്യ​പ്പെ​ട്ട് സ​മ​ർ​പ്പി​ച്ച ഹര്‍ജ്ജി ചീ​ഫ് ജ​സ്റ്റി​സ് എ​സ്. മ​ണി​കു​മാ​ര്‍ അ​ധ്യ​ക്ഷ​നാ​യ കേ​ര​ള ഹൈ​കോ​ട​തി ബെ​ഞ്ച് ത​ള്ളി​യ​തി​നെ തു​ട​ർ​ന്നാ​ണ് ആ​ന്റി ക​റ​പ്ഷ​ന്‍ പീ​പ്ള്‍സ് മൂ​വ്‌​മെ​ന്റ് എ​ന്ന സം​ഘ​ട​ന സു​പ്രീം​കോ​ട​തി​യി​ലെ​ത്തി​യ​ത്.

മാ​റി​മാ​റി വ​രു​ന്ന സ​ര്‍ക്കാ​റു​ക​ള്‍ ഒ​രു മാ​ന​ദ​ണ്ഡ​വും പാ​ലി​ക്കാ​തെ​യാ​ണ് പേ​ഴ്‌​സ​ന​ല്‍ സ്റ്റാ​ഫ് നി​യ​മ​നം ന​ട​ത്തി​യ​തെ​ന്നും സു​പ്രീം​കോ​ട​തി ഇ​ട​പെ​ട​ണ​മെ​ന്നും ഹ​ർജി​ക്കാ​ർ​ക്കു​വേ​ണ്ടി ഹാ​ജ​രാ​യ അ​ഭി​ഭാ​ഷ​ക​രാ​യ കെ. ​ഹ​രി​രാ​ജും എ. ​കാ​ര്‍ത്തി​ക്കും ബോ​ധി​പ്പി​ച്ചു.

മ​റ്റ് സം​സ്ഥാ​ന​ങ്ങ​ളി​ലും മ​ന്ത്രി​മാ​രു​ടെ പേ​ഴ്‌​സ​ന​ല്‍ സ്റ്റാ​ഫ് നി​യ​മ​നം ഇ​തേ രീ​തി​യി​ല​ല്ലേ എ​ന്ന് ചോ​ദി​ച്ച ജ​സ്റ്റി​സ് ബേ​ല ​എം. ​ത്രി​വേ​ദി, ഗു​ജ​റാ​ത്തി​ലും ഇ​ത്ത​ര​ത്തി​ലാ​ണ് നി​യ​മ​ന​മെ​ന്നും അ​വ​ർ​ക്ക് ഓ​ണ​റേ​റി​യ​മാ​ണ് കൊ​ടു​ക്കു​ന്ന​തെ​ന്നും ചൂ​ണ്ടി​ക്കാ​ട്ടി. കേ​ര​ള​ത്തി​ല്‍ അ​ത്ത​ര​ത്തി​ൽ അ​ല്ലെ​ന്നും പെ​ന്‍ഷ​ന്‍ അ​ട​ക്ക​മു​ള്ള മ​റ്റു ആ​നു​കൂ​ല്യ​ങ്ങ​ള്‍ ഉ​ണ്ടെ​ന്നും അ​ഭി​ഭാ​ഷ​ക​ര്‍ വ്യ​ക്ത​മാ​ക്കി. പെ​ന്‍ഷ​ന്‍ ന​ല്‍കു​ന്ന പ്ര​ത്യേ​ക ച​ട്ടം ഭ​ര​ണ​ഘ​ട​ന​വി​രു​ദ്ധ​മാ​ണെ​ന്നും അ​വ​ർ വാ​ദി​ച്ചു.

ഇ​തേ​ത്തു​ട​ര്‍ന്ന് ബെ​ഞ്ചി​​​ന്റെ അ​ധ്യ​ക്ഷ​നാ​യ ജ​സ്റ്റി​സ് അ​ജ​യ് ര​സ്തോ​ഗി ജ​സ്റ്റി​സ് ബേ​ല​യു​മാ​യി ച​ർ​ച്ച ചെ​യ്ത് വി​ശ​ദ​മാ​യി കേ​ള്‍ക്കാ​മെ​ന്ന് അ​റി​യി​ക്കു​ക​യാ​യി​രു​ന്നു.

Photo Courtesy : Google/ images are subject to copyright