ആധാര്‍കാര്‍ഡും പാന്‍കാര്‍ഡും ലിങ്ക് ചെയ്യേണ്ട സമയപരിധി ഇന്ന് അവസാനിക്കും
ആധാര്‍കാര്‍ഡും പാന്‍കാര്‍ഡും ലിങ്ക് ചെയ്യാത്തവരുടെ പാന്‍കാര്‍ഡ് നാളെമുതല്‍ പ്രവര്‍ത്തന രഹിതമാകും.
നിലവില്‍ ബന്ധിപ്പിക്കുന്നതിന് 1000 രൂപയാണ് പിഴ അടയ്ക്കേണ്ടത്. 2023 മാര്‍ച്ച് 31 ആയിരുന്നു ആദ്യത്തെ സമയപരിധി. പിന്നീട് ജൂണ്‍ 30 വരെ നീട്ടുകയായിരുന്നു. കാലാവധി ഇനിയും നീട്ടുമെന്നുള്ള കാര്യം സംശയമാണ്.
ഇനിയും പാന്‍ കാര്‍ഡും ആധാറും ബന്ധിപ്പിക്കാത്തവരുടെ പാന്‍ പ്രവര്‍ത്തനരഹിതമാകും. സാമ്പത്തിക ആവശ്യങ്ങള്‍ക്ക് ആവശ്യമായ ഒരു പ്രധാന രേഖയാണ് പാന്‍. ഇത് പ്രവര്‍ത്തനരഹിതമായാല്‍ നികുതിദായകര്‍ ബുദ്ധിമുട്ടും. പ്രത്യേകിച്ച് ആദായ നികുതി റിട്ടേണ്‍ ഫയല്‍ ചെയ്യുന്ന സമയത്ത് ബുദ്ധിമുട്ടുകള്‍ നേരിടും.
എസ്എംഎസ് വഴി എങ്ങനെ പാന്‍ കാര്‍ഡ് ആധാറുമായി ബന്ധിപ്പിക്കാം?
നിങ്ങളുടെ ഫോണില്‍ സന്ദേശമയയ്ക്കല്‍ ആപ്പ് തുറക്കുക
<12 അക്ക ആധാര്‍ നമ്ബര്‍> 10 അക്ക പാന്‍ നമ്ബര്‍> എന്ന് ടൈപ്പ് ചെയ്യുക.
ഈ സന്ദേശം 56161 അല്ലെങ്കില്‍ 567678 എന്ന നമ്പറിലേക്ക് അയയ്ക്കുക
പാന്‍-ആധാര്‍ ലിങ്ക് നിലയെക്കുറിച്ചുള്ള ഒരു അപ്ഡേറ്റ് നിങ്ങളുടെ രജിസ്റ്റര്‍ ചെയ്ത മൊബൈല്‍ നമ്പറിലേക്ക് അയയ്ക്കും.
പാന്‍-ആധാര്‍ ലിങ്ക് സ്റ്റാറ്റസ് ഓണ്‍ലൈനില്‍ എങ്ങനെ പരിശോധിക്കാം..
https://www.incometax.gov.in/iec/foportal/ എന്ന ഔദ്യോഗിക സൈറ്റ് സന്ദര്‍ശിക്കുക
ക്വിക്ക് ലിങ്ക് എന്ന ഓപ്ഷന്‍ തുറന്ന് ലിങ്ക് ആധാര്‍ സ്റ്റാറ്റസ് തിരഞ്ഞെടുക്കുക.
നിങ്ങളുടെ പാന്‍, ആധാര്‍ വിശദാംശങ്ങള്‍ നല്‍കുക.
ലിങ്ക് ആധാര്‍ സ്റ്റാറ്റസ് കാണുക’ ഓപ്ഷന്‍ തിരഞ്ഞെടുക്കുക.
നിങ്ങളുടെ പാന്‍-ആധാര്‍ ലിങ്ക് നില ഇപ്പോള്‍ നിങ്ങള്‍ക്ക് കാണാന്‍ കഴിയും.
Photo Courtesy : Google/ images are subject to copyright
