പെരുമ്പാവൂർ രായമംഗലത്ത് പെൺകുട്ടിയെയും മാതാപിതാക്കളെയും വെട്ടിയ ശേഷം യുവാവ് തൂങ്ങിമരിച്ചു. പെരുമ്പാവൂർ സ്വദേശി എൽദോസ് ആണ് ആത്മഹത്യ ചെയ്തത്. രായമംഗലം സ്വദേശി യൗസേപ്പ്, ഭാര്യ ചിന്നമ്മ, ഇവരുടെ മകളും നഴ്സിങ് വിദ്യാർഥിയുമായ അൽക്ക എന്നിവർക്കാണ് വെട്ടേറ്റത്. ഇന്ന് ഉച്ചയ്ക്ക് 12 മണിക്കാണ് സംഭവം. നഴ്സിങ് വിദ്യാർഥിയായ അൽക്കയെ എൽദോസ് നിരന്തരം ശല്യം ചെയ്തിരുന്നു. ഇയാൾ പെൺകുട്ടിയെ പിന്തുടരുന്നതും പതിവായിരുന്നു. ഒടുവിൽ ശല്യം സഹിക്കാനാകാതെ മൊബൈൽ നമ്പരടക്കം പെൺകുട്ടി മാറ്റുകയായിരുന്നു. തുടർന്ന് ഇന്ന് ഉച്ചയോടെ എൽദോസ് പെൺകുട്ടിയുടെ വീട്ടിലേക്ക് അതിക്രമിച്ച് കയറുകയും പെൺകുട്ടിയെ കത്തി ഉപയോഗിച്ച് വെട്ടുകയുമായിരുന്നു. തടയാൻ ശ്രമിച്ചതിനിടെയാണ് പെൺകുട്ടിയുടെ മാതാപിതാക്കളായ ഔസേപ്പ്, ചിന്നമ്മ എന്നിവർക്ക് വെട്ടേറ്റത്. ആക്രമണത്തിനുശേഷം മടങ്ങിയ എൽദോസ് സ്വന്തം വീട്ടിലെത്തി തൂങ്ങിമരിക്കുകയായിരുന്നു. വെട്ടേറ്റ പെൺകുട്ടിയെയും മാതാപിതാക്കളെയും കളമശ്ശേരി മെഡിക്കൽ കോളേജ് ആശുപത്രി പ്രവേശിപ്പിച്ചു. പെൺകുട്ടിയുടെ നില അതീവഗുരുതരമായിത്തുടരുന്നു.

Photo Courtesy : Google/ images are subject to copyright