മുന്നോക്കസമുദായ വികസനകോർപറേഷൻ ചെയർമാനെ മാറ്റിയ ഉത്തരവ് സർക്കാർ മരവിപ്പിച്ചു
മുന്നോക്ക സമുദായ വികസന കോര്പറേഷന് ചെയര്മാനെ മാറ്റിയ ഉത്തരവ് സര്ക്കാര് മരവിപ്പിച്ചു. കെ ജി പ്രേംജിത്തിനെ മാറ്റിയ തീരുമാനമാണ് മരവിപ്പിച്ചത്. കേരള കോണ്ഗ്രസ് ബി എം കെബി ഗണേഷ്കുമാറിന്റെ എതിർപ്പിനെ തുടർന്നാണ് തീരുമാനം മാറ്റിയത്. മുഖ്യമന്ത്രിയുടെ നിർദ്ദേശപ്രകാരമാണ് പുതിയ നടപടി. പുതിയ ഉത്തരവ് ഉടൻ പുറത്തിറക്കും. എം രാജഗോപാലൻ നായരെ ചെയർമാനാക്കിയാണ് സർക്കാർ, ഭരണസമിതി പുനഃസംഘടിപ്പിച്ചത്. കേരള കോൺഗ്രസ് ബി സംസ്ഥാന ജനറൽ സെക്രട്ടറി ആണ് പ്രേംജിത്. ആർ.ബാലകൃഷ്ണ പിള്ളയുടെ മരണത്തെ തുടർന്നായിരുന്നു പാർട്ടി നോമിനിയായി പ്രേംജിത്തിനെ നിയമിച്ചത്. പാർട്ടിയോട് ആലോചിക്കാതെ പ്രതിനിധിയെ മാറ്റിയതിൽ കേരള കോൺഗ്രസ് ബി ക്ക് അതൃപ്തിയുണ്ട്. ഇടതുമുന്നണി കണ്വീനര്ക്ക് കെബി ഗണേഷ്കുമാര് കത്ത് നല്കിയിരുന്നു. മുന്നണി മര്യാദ പാലിക്കാതെയുള്ള തീരുമാനം പിന്വലിക്കണമെന്ന് അദ്ദേഹം ആവശ്യപ്പെട്ടിരുന്നു. ഈ സാഹചര്യത്തിലാണ് മുഖ്യമന്ത്രി ഇടപെട്ടത്.
Photo Courtesy : Google/ images are subject to copyright