ഫെബ്രുവരി 22 മുതൽ കേരളത്തിലെ തിയേറ്ററുകളിൽ മലയാള സിനിമകള് റിലീസ് ചെയ്യില്ല; ഫിയോക്
ഫെബ്രുവരി 22 മുതല് കേരളത്തിലെ തിയേറ്ററുകളില് മലയാള സിനിമകള് റിലീസ് ചെയ്യില്ലെന്ന് തിയേറ്റര് ഉടമകളുടെ സംഘടനയായ ഫിയോക്. നിർമ്മാതാക്കളുടെ നിലപാടുകളിൽ പ്രതിഷേധിച്ചാണ് തീരുമാനം. ഫിയോക് പ്രസിഡന്റ് വിജയകുമാറാണ് തീരുമാനം അറിയിച്ചത്. സിനിമ തിയേറ്ററുകളിൽ പ്രൊജക്ടര് വെക്കാനുള്ള അവകാശം ഉടമയിൽ നിലനിർത്തുക, നിശ്ചിത ദിവസത്തിന് മുൻപ് ഒ.ടി.ടി പ്ലാറ്റ്ഫോമുകളിലൂടെ സിനിമ റിലീസ് ചെയ്യുന്നത് അവസാനിപ്പിക്കുക മുതലായ ആവശ്യങ്ങൾ ഫിയോക് നിർമ്മാതാക്കളെ അറിയിച്ചിരുന്നു. എന്നാൽ ഇതിനോട് അനുകൂല നിലപാടല്ല നിർമ്മാതാക്കളുടെ ഭാഗത്തുനിന്നും ഉണ്ടായതിൽ പ്രതിഷേധിച്ചാണ് ഫെബ്രുവരി 22 മുതല് തിയേറ്ററുകളില് മലയാള സിനിമകള് റിലീസ് ചെയ്യേണ്ടതില്ലെന്ന് ഫിയോക് തീരുമാനിച്ചത്.
Photo Courtesy: Google/ images are subject to copyright