രാജീവ് ഗാന്ധി വധക്കേസിൽ ജയിൽ മോചിതനായ പ്രതികളിലൊരാളായ ശാന്തൻ എന്ന ടി സുതേന്ദ്രരാജ ചെന്നൈയിലെ രാജീവ് ഗാന്ധി സർക്കാർ ജനറൽ ആശുപത്രിയിൽ വച്ച് മരണപെട്ടു. കഴിഞ്ഞയാഴ്ചയാണ് , കേന്ദ്ര വിദേശകാര്യ മന്ത്രാലയത്തിന് കീഴിലുള്ള ഫോറിനേഴ്‌സ് റീജിയണൽ രജിസ്‌ട്രേഷൻ ഓഫീസർ (എഫ്ആർആർഒ) ശ്രീലങ്കയിലേക്ക് അടിയന്തരമായി പോകുവാൻ ശാന്തന് യാത്രാ രേഖകൾ നൽകിയത്. തിരുച്ചി സെൻട്രൽ ജയിലിലെ പ്രത്യേക ക്യാമ്പിൽ കഴിയുന്ന ശാന്തനെ നാടുകടത്തുന്നതിനായി ഉദ്യോഗസ്ഥരോടൊപ്പം രാജ്യാന്തരവിമാനത്താവളത്തിലേക്ക് കൊണ്ടുപോകാനായിരുന്നു പദ്ധതി ഉണ്ടായിരുന്നത് . എന്നാൽ ശാന്തൻ്റെ അഭ്യർത്ഥനയെത്തുടർന്ന്, ശ്രീലങ്കൻ ഡെപ്യൂട്ടി ഹൈക്കമ്മീഷൻ അദ്ദേഹത്തിന് ഒരു താൽക്കാലിക യാത്രാരേഖ നൽകിയിരുന്നു, തുടർന്നാണ് FRRO അദ്ദേഹത്തിന് പുറപ്പെടുന്നതിന് എക്സിറ്റ് പെർമിറ്റ് അനുവദിച്ചത്.

Photo Courtesy: Google/ images are subject to copyright