നോണ്‍ബാങ്കിംഗ് ഫിനാൻഷ്യൽ കമ്പനിയായ മണപ്പുറം ഫിനാൻസ് ലിമിറ്റഡ്, ഫിനാൻസ് വ്യവസായത്തിലെ അതിപരിചിതനും മുതിർന്ന നേതൃത്വ ശാക്തനുമായ ശ്രീ ദീപക് റെഡിയെ പുതിയ ചീഫ് എക്സിക്യൂട്ടീവ് ഓഫീസറായി (സിഇഒ) നിയമിച്ചു.

അദ്ദേഹം ദീർഘകാലം ലാഭകരമായ സംരംഭങ്ങൾ നയിച്ചും ഉന്നത പ്രകടനത്തിനും ശക്തമായ ടീമുകളെ നിർമ്മിച്ചും നേടിയ നേതൃത്വംകൊണ്ടാണ് സുപ്രധാനമായത്. പ്രമുഖ സാമ്പത്തിക സ്ഥാപനങ്ങളിൽ വ്യത്യസ്ത ബിസിനസ് മേഖലയെ നയിച്ചതിലും മാനവ വിഭവശേഷി കൈകാര്യം ചെയ്തതിലുമുളള 30 വർഷത്തിലധികം പരിചയം അദ്ദേഹം കൈവരിച്ചിട്ടുണ്ട്.

ശ്രീ റെഡി 17 വർഷത്തിലധികം ബജാജ് ഫിൻസെർവ് ലിമിറ്റഡിനൊപ്പം പ്രവർത്തിച്ചുവരികയായിരുന്നു. ബിസിനസ് ലോൺസ്, പേഴ്സണൽ ലോൺസ്, ഡോക്ടർ ലോൺസ്, വെൻഡർ ഫിനാൻസിങ്, സോളാർ ഫിനാൻസിങ് എന്നിവയുടെ തുടക്കം കുറിക്കുകയും അതെല്ലാം വിജയകരമായി വിപുലീകരിച്ചുകൊണ്ട് കമ്പനിയുടെ വളർച്ചയിൽ നിർണായക പങ്കുവഹിച്ചിട്ടുണ്ട്.

ബജാജ് ഫിൻസർവിൽ ചേരുന്നതിന് മുമ്പ്, അദ്ദേഹം അമേരിക്കൻ എക്സ്പ്രസിൽ 9 വർഷത്തിലധികം സേവനം അനുഷ്ഠിച്ചിട്ടുണ്ട്. അവിടെ പേഴ്സണൽ, സ്മാൾ ബിസിനസ് ലോൺസ് വിഭാഗത്തിന് നേതൃത്വം നൽകുകയും പ്ലാറ്റിനം ക്രെഡിറ്റ് കാർഡുകളെ നയിക്കുന്ന ഡയറക്ടർ എന്ന നിലയിലും പ്രവർത്തിക്കുകയും ചെയ്തു.

അദ്ദേഹത്തിന്റെ കരിയർ ആരംഭം എം.ഐ.ആർ.സി ഇലക്ട്രോണിക്‌സ് (ഓണിഡ) ലിമിറ്റഡിലൂടെയും സ്റ്റാൻഡേഡ് ചാർട്ടേർഡ് ബാങ്കിലൂടെയുമായിരുന്നു. അവിടെ ഉപഭോക്തൃ ഉത്പന്നങ്ങളും സാമ്പത്തിക സേവനങ്ങളും ഉൾപ്പെടെയുള്ള മേഖലയിലായി വിതരണവും പങ്കാളിത്തവും കൈകാര്യം ചെയ്യുന്നതിൽ പരിചയം നേടി.

മണപ്പുറം ഫിനാൻസ് ലിമിറ്റഡിന്റെ സിഇഒയായി, കമ്പനിയുടെയും അതിന്റെ അനുബന്ധ സ്ഥാപനങ്ങളുടെയും അടുത്ത വളർച്ചാ ഘട്ടത്തെയും നവീകരണ ഘട്ടത്തെയും നയിക്കുന്നത് ശ്രീ ദീപക് റെഡിയുടെ പ്രധാന ചുമതല ആയിരിക്കും. ഇതിൽ ഗോൾഡ് ലോൺ, വാഹന ഫിനാൻസ്, മൈക്രോ ഫിനാൻസ്, എം.എസ്.എം.ഇ. ലോണുകൾ, ഹൗസിംഗ് ഫിനാൻസ്, ഡിജിറ്റൽ ലെൻഡിംഗ് തുടങ്ങിയ പ്രധാന മേഖലകൾ കൂടുതൽ ശക്തിപ്പെടുത്തുന്നതും സ്ഥാപന സംസ്‌കാരവും നേതൃത്ത്വ വൈശിഷ്ട്യവും മെച്ചപ്പെടുത്തുന്നതും ഉൾപ്പെടും.