യോനോ എസ് ബി ഐ യുടെ ഇന്ത്യൻ യൂത്ത് ഐക്കൺ മത്സരത്തിൽ അവസാന നാൽപ്പതു പേരിൽ നമ്മുടെ ലിറ്റൽ ഷെഫ് കിച്ചയും ഇടം നേടിയിട്ടുണ്ട് . മലയാളികളുടെ സ്വന്തം” പുട്ട് ” അമേരിക്കൻ ജനതയ്ക്ക് പ്രിയങ്കരമാക്കിയ കേരളത്തിന്റെ അഭിമാനം കിച്ചയ്ക്ക് അവസാന 20 പേരുടെ പട്ടികയിൽ ഇടം പിടിക്കണമെങ്കിൽ മലയാളികളുടെ അകമഴിഞ്ഞ പിന്തുണ ആവശ്യമാണ് .
എൻ ബി സി ടെലിവിഷൻറെ ലിറ്റൽ ബിഗ്‌ഷോട്സ് പരിപാടിയിലൂടെയാണ് കിച്ച മിന്നും താരമായത് . ലോകപ്രശസ്ത ടെലിവിഷൻ അവതാരകൻ സ്റ്റീവ് ഹാർവയോടൊപ്പമാണ് കിച്ച ആ പരിപാടിയിൽ തിളങ്ങിയത് .ലോകമെമ്പാടുമുള്ള നിരവധി ടാലന്റഡ് കിഡ്സിൽ നിന്നും തിരഞ്ഞെടുക്കപ്പെട്ട ഏതാനും കുട്ടികളിൽ ഒരാളായിരുന്നു കിച്ച . മിഷേൽ ഒബാമയടക്കം പ്രമുഖർ അഥിതികളായെത്തിയ എലൻ ഡിജെനെറസിന്റെ പ്രശസ്തമായ ടോക് ഷോയിലാണ് നമ്മുടെ പുട്ടുകുറ്റിയുമായെത്തി പുട്ടുണ്ടാക്കി പ്രേക്ഷകരെ വിസ്മയിപ്പിച്ചത് . മലയാളം വഴങ്ങാത്തവരെക്കൊണ്ട് പുട്ട് എന്നും പുട്ടുകുറ്റിയെന്നും പറയിപ്പിച്ചുകൊണ്ടാണ് കിച്ച അന്ന് എല്ലാപേരുടെയും കണ്ണിലുണ്ണിയായത് . ലിറ്റൽ ബിഗ്‌ഷോട്ട്സിലും എലൻ ഡിജെനെറസിന്റെ ഷോയിലും
പങ്കെടുത്ത ഏറ്റവും പ്രായം കുറഞ്ഞ ഇന്ത്യക്കാരനും , മലയാളിയും എന്ന പദവിയും കിച്ചയ്ക്ക് സ്വന്തം .നിരവധി പ്രമുഖ ബ്രാൻഡുകളുടെ ബ്രാൻഡ് അംബാസിഡറാണ് കിച്ച .കൊച്ചി ചോയ്സ് സ്കൂളിലെ രണ്ടാം ക്‌ളാസ്സ്‌ വിദ്യാർഥിയാണ് കിച്ച . സെൻട്രൽ അഡ്വെർടൈസിംഗിലെ വി .കെ .രാജഗോപാലിന്റെയും റൂബിയുടെയും മകനാണ് കിച്ച .നിധ ഏക സഹോദരിയും .

ഇന്ത്യയുടെ യൂത്ത് ഐക്കൺ ആയി കിച്ചയെ തിരഞ്ഞെടുക്കണമെങ്കിൽ നിങ്ങളോരോരുത്തരുടേയും അകമഴിഞ്ഞ പിന്തുണ ആവശ്യമാണ് .നമ്മുടെ ഓരോ വോട്ടും നാം ഉൾപ്പെടുന്ന മലയാളി സമൂഹത്തിന്റെ അഭിമാനം വാനോളം ഉയർത്തിമെന്നുള്ളതിൽ സംശയമില്ല .

കിച്ചയ്ക്ക് വോട്ടു ചെയ്യാൻ താഴെക്കാണുന്ന ലിങ്കിൽ ക്ലിക്ക് ചെയ്യുക .

https://www.yonosbi20under20.com/nomineewall#!nominee_page