നടി കല്‍പ്പനയുടെ മകള്‍ ശ്രീമയി അഭിനയ രംഗത്തേയ്ക്ക് ചുവടുവയ്ക്കുന്നു. കിസ്സ എന്ന ചിത്രത്തിലൂടെയാണ് ശ്രീമയിയുടെ ചലച്ചിത്ര മേഖലയിലേക്കുള്ള ചുവടുവയ്പ്പ്. നായികാ വേഷത്തിലാണ് താരപുത്രി കിസ്സയിൽ എത്തുന്നത്. നവാഗതനായ മഹറൂഫ് മുത്തുവാണ് ഈ ചിത്രം സംവിധാനം ചെയ്യുന്നത്.

അനാര്‍ക്കലി, മരയ്ക്കാര്‍, ഹരികൃഷ്ണന്‍, സുധീഷ്, ഇര്‍ഷാദ്, മേഘ എന്നിവരാണ് കിസ്സയിലെ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. ഈ ചിത്രത്തിൻ്റെ നിർമ്മാണം മിറാക്കിള്‍ മൂവി മേക്കേഴ്‌സിൻ്റെ ബാനറില്‍ അബ്ദുള്‍ ജലീല്‍ ലിംപസ് ആണ് നിർവഹിക്കുന്നത്. ഈ ചിത്രത്തിൽ റഫീഖ് അഹമ്മദിൻ്റെ വരികള്‍ക്ക് ഫോര്‍മ്യൂസിക് സംഗീതം പകരുന്നു.

വിഷ്ണു രവി തിരക്കഥയും സംഭാഷണവും ഒരുക്കുന്ന ചിത്രത്തിൻ്റെ ഛായാഗ്രാഹണം നിര്‍വ്വഹിക്കുന്നത് സിനു സിദ്ധാര്‍ത്ഥ് ആണ്. ജനുവരി പത്തിന് ഷൂട്ടിംങ് തലശ്ശേരി, മൈസൂര്‍ എന്നിവിടങ്ങളില്‍ ആരംഭിക്കുമെന്നാണ് ലഭിക്കുന്ന വിവരം.

Photo Courtesy : Google/ images are subject to copyright